މެމްބަރު ވިސާމް ކޮވިޑަށް ފައްސި ވެއްޖެ

ރައްޔިތުންގެ މަޖިލީހުގެ ލ. ގަމު ދާއިރާގެ މެމްބަރު މުހައްމަދު ވިސާމް ކޮވިޑް-19އަށް ފައްސިވެއްޖެއެވެ.

ކޮވިޑަށް ފައްސި ވެފައިކަން ހާމަ ކުރައްވަމުން ވިސާމް ކުރެއްވި ޓުވީޓެއްގައި ވިދާޅުވެފައި ވަނީ ކޮވިޑަށް ފައްސިވުމާ ގުޅިގެން ގޭގައި އެކަހެރި ވެފައިވާ ކަމަށާއި އެޗްޕީއޭގެ އިރުޝާދުތަކާ އެއްގޮތަށް އަމަލު ކުރަމުން ގެންދަވާކަމަށެވެ.

https://twitter.com/mohamedwisaam/status/1485615503423176711?s=20

ރާއްޖޭގައި މިދުވަސްވަރު އަނެއްކާ ވެސް ކޮވިޑަށް ފައްސިވަމުން ދާ މީހުންގެ އަދަދުތައް އަންނަނީ ހަލުވިކަމާ އެކު އިތުރުވަމުންނެވެ.

އެގޮތުން މިއަދު ވެސް 2707 މީހުން މި ބައްޔަށް ފައްސިވެފައިވާ އިރު، ރާއްޖެއިން ކޮވިޑަށް ފައްސިވީ މީހުންގެ ޖުމްލަ އަދަދު މިހާރު ވަނީ 120،168އަށް އަރައިފައެވެ.