ހިޔާ ފްލެޓް ސަރަހައްދުގައި އަނެއްކާ ވެސް އަލިފާނުގެ ހާދިސާއެއް

ހުޅުމާލޭގެ ދެވަނަ ފިޔަވަހީގައި ހުންނަ ހިޔާ ފްލެޓް ސަރަހައްދުގައި އަނެއްކާ ވެސް އަލިފާނުގެ ހާދިސާއެއް ހިނގައިފިއެވެ.

Ads by Hajj Corporation

މޯލްޑިވްސް ނެޝަނަލް ޑިފެންސް ފޯސް(އެމްއެންޑީއެފް)އިން ބުނީ، ހިޔާ ފްލެޓްގެ 13ވަނަ ޓަވަރާއި 14ވަނަ ޓަވަރާ ދެމެދުގައި ހުރި ކުނި ފުންޏެއްގައި މިއަދު އަލިފާން ރޯވި ކަމަށެވެ. މި ހާދިސާ ހިނގި ކަމުގެ ރިޕޯޓް އެމްއެންޑީއެފްއަށް ލިބިފައި ވަނީ މިއަދު މެންދުރު 2:15ހައިއިރުއެވެ.

އެމްއެންޑީއެފްގެ ފަޔަރ އެންޑް ރެސްކިޔު ސަރވިސަސްއިން މި އަލިފާންގަނޑު ނިއްވައިލައިފައި ވަނީ 3:00ހައިއިރުއެވެ. މި ހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވެއެވެ.

ހިޔާ ފްލެޓް ސަރަހައްދުގައި ކުނި ނެގޭނެ ރަނގަޅު ނިޒާމެއް ގާއިމުވެފައި ނެތް ކަމުގެ ޝަކުވާ ބޮޑުވެފައިވާއިރު، ދޭތެރެ ދޭތެރެއިން، ހިޔާ ފްލެޓް ސަރަހައްދުގައި އަލިފާން ރޯވުމުގެ ހާދިސާތައް ހިނގައެވެ.