Saturday, 14 November 2026
Advertisement
Allied Insurance (leaderboard)
ޚަބަރު

ކޮމަންޑޫ ދާއިރާގެ ބައި-އިލެކްޝަން: ދާއިމީ ނަތީޖާ އިއުލާންކޮށްފި

ކޮމަންޑޫ ދާއިރާގެ ބައި-އިލެކްޝަން: ދާއިމީ ނަތީޖާ އިއުލާންކޮށްފި

ހޮނިހިރު ދުވަހު ބޭއްވި ރައްޔިތުންގެ މަޖިލީހުގެ ށ. ކޮމަންޑޫ ދާއިރާގެ ބައި-އިލެކްޝަންގެ ދާއިމީ ނަތީޖާ އިލެކްޝަންސް ކޮމިޝަނުން މިއަދު އިޢުލާންކޮށްފިއެވެ.

މި ވާދަވެރި އިންތިހާބުގައި ތިން ކެނޑިޑޭޓަކު ވާދަ ކުރެއްވިއެވެ. އެއީ ޕީޕީއެމްގެ ކެނޑްިޑޭޓް އުސްތާޒް މޫސާ ފަތުޙީ އާދަމާއި، އެމްޑީޕީ ކެންޑިޑޭޓް މުޙައްމަދު ރާޝިދުގެ އިތުރުން އެމްއެންޕީގެ ކެންޑިޑޭޓް ޢަބްދުލްޙަންނާން އިދުރީހެވެ.

އީސީން އާންމު ކުރި ދާއިމީ ނަތީޖާއަށް ބަލާއިރު އިންތިޚާބު ކާމިޔާބު ކުރެއްވި ރާޝިދަށް ލިބިވަޑައިގަތީ 1،401 ވޯޓެވެ. ފަތުޙީއަށް 1،161 ވޯޓު ލިބިވަޑައިގެންނެވިއިރު ޙަންނާނަށް 323 ވަނީ ލިބިފައެވެ.

Advertisement
HDC — Sidebar (box)

ދާއިމީ ނަތީޖާ އިޢުލާންކުރުމަށް ބާޖަމާލުއްދީންގައި މިއަދު ބޭއްވި ރަސްމިއްޔާތުގައި އިލެކްޝަންސް ކޮމިޝަންގެ ރައީސް ފުއާދު ތައުފީޤް ވިދާޅުވީ އިންތިޚާބުގެ ކަންކަން ދިޔައީ ޑިމޮކްރަސީގެ ރޫހާ އެއްގޮތަށް ކަމަށެވެ.

ނަމަވެސް މި އިންތިހާބަށް ނުފޫޒު ފޯރުވުމަށް ޓަކައި ސަރުކާރު ހިންގާ މައި ޕާޓީ އެމްޑީޕީން ގިނަ ކަންތައްތަކެއް ކޮށްފައިވާ ކަަމަށް އިދިކޮޅުން ތުހުމަތު ކުރެއެވެ. އެގޮތުން އިންތިހާބާ ދިމާކޮށް ކޮމަންޑު ދާއިރާގައި ކުއްލިއަކަށް ގިނަ މަޝްރޫއުތައް އިއުލާނު ކުރި ކުރުން، އިދިކޮޅުން ސިފަ ކުރީ ނުފޫޒު ފޯރުވުމުގެ އަމަލެއްގެ ގޮތުގައެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.