Monday, 16 November 2026
Advertisement
Ooredoo — Article-Top (leaderboard)
ޚަބަރު

ފްލެޓް ކުއްޔަށް ދެވޭނީ ހުއްދަ ނަގައިގެން

ފްލެޓް ކުއްޔަށް ދެވޭނީ ހުއްދަ ނަގައިގެން

ސަރުކާރުގެ ސޯޝަލް ހައުސިން ސްކީމްގެ ދަށުން ދޫކޮށްފައިވާ ފްލެޓްތަކާއި، ރޯ ހައުސްތައް ފަދަ ތަންތަން ކުއްޔަށް ދޫކުރުމުގައި އަމަލު ކުރަން ޖެހޭނެ އުސޫލެއް އެކުލަވައިލައިފިއެވެ.

ރޭ ގެޒެޓްކޮށްފައިވާ އުސޫލުގައިވާ ގޮތުން އިޖުތިމާއީ ބޯހިޔާވަހިކަމުގެ މަޝްރޫއުތަކުގެ ދަށުން ދޫކޮށްފައިވާ ފުލެޓުތަކާއި ރޯހައުސްތަކާއި ގޯތި ފަދަ ތަންތަން ކުއްޔަށް ދެވޭނީ އެ މަޝްރޫއު ހިންގި އިދާރާއިން ކަނޑައަޅައިފައިވާ އުސޫލުތަކުގެ ދަށުން އެ އިދާރާއެއްގެ ހުއްދަ ލިބިގެންނެވެ. މި ޤަވާއިދަށް މިއަދުން ފެށިގެން އަމަލު ކުރަން ފަށާނެއެވެ.

މި ޤަވާއިދުގައިވާ ގޮތުން، އެފަދަ ތަންތަން އެއްކޮށް ކުއްޔަށް ނުދެވޭނެއެވެ. އަދި މިހާރު އެގޮތަށް ދޫކޮށްފައިވާ ތަންތަނުގެ ހުއްދަތައް ބާތިލުވާނެ ކަމަށް ވެސް އޭގައި ބަޔާން ކުރެއެވެ.

Advertisement
Allied — Dhen Online (box)

ކުއްޔަށް ދޫކުރުމުގެ ހުއްދަ ދޭންވާނެ މުއްދަތުތައް ވެސް މި ގަވާއިދުގައި ބުނެފައިވެއެވެ. އެގޮތުން ރޯހައުސްތަކާއި ފުލެޓުތަކާއި ގޯތި ފަދަ ތަންތަން ކުއްޔަށް ދެވޭނީ އެންމެ ގިނަވެގެން ފަސް އަހަރު ދުވަހުގެ މުއްދަތަށެވެ. އަދި އެ މުއްދަތު އިތުރު މުއްދަތަކަށް އައު ކުރެވޭނީ އެ މަޝްރޫއު ހިންގި އިދާރާއިން ކަނޑައަޅާ އުސޫލުތަކާ އެއްގޮތްވާ ގޮތުގެ މަތީން ކަމަށް ވެސް ބުނެފައިވެއެވެ. ނަމަވެސް ތަނުގެ މިލްކުވެރިކަން، ތަން ދޫކުރެވުނު މީހާގެ ނަމަށް ބަދަލުވެ ރަޖިސްޓަރީ ކޮށްފައިވާ ނަމަ ކުއްޔަށް ދޫކުރުމުގައި އެއްވެސް ހުރަހެއް ނެތް ކަމަށް އުސޫލުގައި ބުންޏެވެ.

މިފަދަ ޤަވާއިދެއް ހަދައިފައި ވަނީ، ހުޅުމާލޭ ދެވަނަ ފިޔަވަހީގައި ހަދައިފައިވާ ފްލެޓްތައް ކުއްޔަށް ދޫކުރާ މައްސަލައެއް ފެންމަތިވެފައި ވަނިކޮށެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.