Sunday, 15 November 2026
Advertisement
Ooredoo — Article-Top (leaderboard)
ޚަބަރު

ކިންގް ސަލްމާން މިސްކިތުގައި ނަމާދުކުރަން ފަށައިފި

ކިންގް ސަލްމާން މިސްކިތުގައި ނަމާދުކުރަން ފަށައިފި

ސައުދީ އަރަބިއްޔާ ސަރުކާރުގެ ދީލަތި އެހީއާ އެކު ރައީސް ޢަބްދުﷲ ޔާމީން ޢަބްދުލްޤައްޔޫމްގެ ވެރިކަމުގައި ޤާއިމްކުރި ކިންގ ސަލްމާން މިސްކިތުގައި ނަމާދުކުރަން ފަށައިފިއެވެ.

އެ މިސްކިތުގައި ނަމާދުކުރަން ފެށީ މިއަދު ހުކުރު ނަމާދުން ފެށިގެންނެވެ. އެ މިސްކިތުގައި މިއަދު އިމާމުވެ ހުކުރު ކުރެއްވީ ޝައިޚް އިލްޔާސް ޙުސައިންއެވެ. މިއަދުގެ ހުކުރު ނަމާދަށް ވަރަށް ގިނަ އަދަދެއްގެ ބަޔަކު އެ މިސްކިތަށް ހުކުރަށް ގޮސްފައި ވެއެވެ. އެގޮތުން މިސްކިތުގެ އެތެރެފުރި ބޭރުގައި ވެސް ގިނަ ބަޔަކު ހުކުރު ނަމާދުކޮށްފައި ވެއެވެ.

ކިންގ ސަލްމާން މިސްކިތުގެ މަސައްކަތް ނިމި، އެތަން ނުހުޅުވި އެތައް އަހަރެއް ވެގެން ދިޔުމާ އެކު ސިޔާސީ އިދިކޮޅު ފަރާތްތަކާއި އާންމުންގެ ގިނަ ބަޔަކު ވަނީ ސަރުކާރަށް ފާޑުކިޔުން އަމާޒުކޮށްފައެވެ. މިއަދު އެ މިސްކިތުގައި ނަމާދުކުރަން ފެށުނު ނަމަވެސް ރަސްމީކޮށް ހުޅުވުން ބާއްވައިފައެއް ނުވެއެވެ.

Advertisement
Allied Insurance — Square (box)

ސަލްމާން މިސްކިތަކީ އެއް ފަހަރާ 10،000 މީހުން ނަމާދުކުރެވޭ ތަނަވަސް ޖާގައިގެ މިސްކިތެކެވެ. އެ މިސްކިތުގެ އިމާރާތުގައި ބައިނަލްއަޤުވާމީ ފެންވަރުގެ ލައިބްރަރީއަކާއި މަލްޓި ޕާޕަސް ހޯލަކާއި ސެމިނަރ ރޫމްތަކާއި ކްލާސް ރޫމްތައް ގާއިމްކުރެވިފައި ވެއެވެ.

މި މިސްކިތުގެ ބޭނުން ހިފަން ފެށުމާ ގުޅިގެން އިދިކޮޅު ޕީޕީއެމްއިން ވަނީ ރައީސް ޔާމީނަށް މަރުޙަބާއާއި ޝުކުރު ދަންނަވައި ބަޔާނެއް ނެރުއްވައިފައެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.