ކަނޑިތީމުގައި ދޮޅު އަހަރުގެ ކުއްޖަކު ގެނބިގެން ނިޔާވެއްޖެ

ށ. ކަނޑިތީމުގައި ދޮޅު އަހަރުގެ ފިރިހެން ކުއްޖަކު ގެނބިގެން ނިޔާވެއްޖެއެވެ.

Ads by Hajj Corporation

"ދެން"އަށް މައުލޫމާތު ލިބިފައިވާ ގޮތުގައި ނިޔާވެފައި ވަނީ މޫދު ކައިރީގައި ހުންނަ ގެއެއްގައި ދިރިއުޅުނު ކުއްޖެކެވެ. މިކުއްޖާ މޫދުގައި ނިޔާވެފައި އޮއްވާ ފެނުނީ ގެއްލިގެން ހޯދަމުން ދަނިކޮށް ކަމަށް އެރަށުން ވާހަކަ ދެއްކި ފަރާތަކުން ބުނެއެވެ.

ކަނޑިތީމު ކައުންސިލްގެ ރައީސް އަޙްމަދު އަޙްސަން "ދެން"އަށް ވިދާޅުވީ، މިކަން ހިނގައިފައި ވަނީ މިރޭ އިރު އޮއްސި 6 ޖަހާ ކަންހައި އިރު ކަމަށާއި އިތުރު ތަފްސީލެއް އަދި ނުލިބޭ ކަމަށެވެ.

ފުލުހުން ވިދާޅުވީ، ކުއްޖާ ހޮސްޕިޓަލަށް ގެންދިޔައިރު ވެސް އޮތީ ނިޔާވެފައި ކަމަށާއި ފުލުހުން މައްސަލަ ބަލަމުން އަންނަ ކަމަށެވެ.