Monday, 16 November 2026
Advertisement
MWSC — SmartMeter (leaderboard)
ޚަބަރު

ވޯލްޑް ބޭންކުން ރާއްޖެއަށް 10 މިލިޔަން ޑޮލަރުގެ އެހީއެއް

ވޯލްޑް ބޭންކުން ރާއްޖެއަށް 10 މިލިޔަން ޑޮލަރުގެ އެހީއެއް

ވޯލްޑް ބޭންކުން ރާއްޖެއަށް 10 މިލިއަން ޑޮލަރު (154.4 މިލިއަން ރުފިޔާ)ގެ ހިލޭ އެހީ ދިނުމަށް ނިންމައިފިއެވެ.

މި އެހީ ދިނުމަށް ނިންމައިފައި ވަނީ, ރާއްޖޭގެ އިންޓަނެޓް މާކެޓުގައި ވާދަވެރިކަން އިތުރު ކުރުމަށާއި ހިދުމަތް ހޯދުމުގައި ޑިޖިޓަލް އައިޑީ ބޭނުންކުރުމާއި މޫސުމީ ގެއްލުންތަކަށް ހޭނުމުގައި ޑިޖިޓަލް ޓެކްނޮލޮޖީ ބޭނުން ކުރުމަށް އެހީވުމަށެވެ.

މި އެހީ ރާއްޖެއަށް ދިނުމަށް އެ ވޯލްޑް ބޭންކުގެ އެގްޒެކްޓިވް ޑިރެކްޓަރުންގެ ބޯޑުން ވަނީ ފާސްކޮށްފައެވެ.

Advertisement
Ooredoo — Square (box)

ވޯލްޑް ބޭންކުން މިއަދު ނެރުނު ބަޔާނެއްގައި ވިދާޅުވީ، މީގެ އިތުރުން އަލަށް ފަށާ "ޑިޖިޓަލް މޯލްޑިވްސް ފޮ އެޑަޕްޓޭޝަން، ޑިސެންޓްރަލައިޒޭޝަން އެންޑް ޑައިވަސިފިކޭޝަން ޕްރޮޖެކްޓް"ގެ ދަށުން ބްރޯޑްބޭންޑް އިންޓަނެޓުގެ ހިދުމަތް ފުޅާކުރުމަށާއި އިންޓަނެޓު ހިދުމަތް ދޭން ބޭނުންކުރާ އިންފްރަސްޓްރަކްޗަރއާއި ޑޭޓާ ގަވަނަންސް އަދި ޑިޖިޓަލް އިގްތިސާދެއް ބިނާކުރުމަށް ބޭނުންވާ ގާނޫނީ އަދި އިދާރީ އޮނިގަނޑުތައް ހަރުދަނާކޮށް ކަމާ ބެހޭ އިދާރާތައް ވަރުގަދަކުރުމަށް ސަރުކާރަށް އެއްބާރުލުން ދިނުމަށް ހަމަޖެހިފައިވާ ކަމަށެވެ.

ވޯލްޑް ބޭންކުން މިފަދަ އެހީއެއް ރާއްޖެއަށް ދިނުމަށް ނިންމައިފައިވާއިރު ވަޒީފާ ގެއްލުމުން އިންޝުއަރެންސް ދޭން އެ ބޭންކުން ރާއްޖެއަށް 24 މިލިއަން ޑޮލަރުގެ ހިލޭ އެހީއެއް ދިނުމަށް ވެސް ދާދި ފަހުން ވަނީ ނިންމައިފައެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.