Monday, 16 November 2026
Advertisement
Ooredoo — Article-Top (leaderboard)
އިޖުތިމާޢީ

ބިދޭސީން ގެނައުމަށް އޮޅުވައިލައިގެން ޕޯޓަލްތައް ހިންގާތީ ސަމާލުވާން އެދިއްޖެ

ބިދޭސީން ގެނައުމަށް އޮޅުވައިލައިގެން ޕޯޓަލްތައް ހިންގާތީ ސަމާލުވާން އެދިއްޖެ

ރާއްޖޭގައި މަސައްކަތް ކުރަން ބިދޭސީން ގެނައުމުގެ ކަންކަން ކުރުމަށް އާންމުންނަށް ހުޅުވާލާފައިވާ ޕޯޓަލް ނަކަލުކޮށްގެން އޮންލައިން ޕޯޓަލްތައް ހިންގަމުންދާތީ އެކަމަށް ސަމާލުވުމަށް އިކޮނޮމިކް މިނިސްޓްރީން އެދިއްޖެއެވެ.

ބިދޭސީން ގެނައުމުގެ ކަންކަން ކުރުމަށް އިކޮނޮމިކް މިނިސްޓްރީން ފަރުމާކޮށް, އާންމުންނަށް ހުޅުވައިލައިފައިވާ ޕޯޓަލަކީ https://xpat.egov.mv އެވެ.

އިކޮނޮމިކް މިނިސްޓްރީން ރޭ ނެރުނު ބަޔާނެއްގައި ބުނީ އެ ޕޯޓަލް ނަކަލު ކޮށްގެން ޕޯޓަލްތައް ހަދަމުންދާ ކަމަށެވެ. އަދި އެ ފަދަ ޕޯޓަލްތަކަކީ އޮޅުވައިލައިގެން ޔޫޒާ އެކައުންޓުގެ އަދި އެހެނިހެން ޒާތީ މައުލޫމާތު ހޯދައި އޭގެ ބޭނުން ނަހަމަ ގޮތުގައި ހިފުމަށް ފަރުމާކޮށްފައިވާ ޕޯޓަލްތަކެއް ކަމަށް މިނިސްޓްރީން ބުންޏެވެ.

Advertisement
HDC — Sidebar (box)

ނަކަލު ކޮށްފައިވާކަމަށް މިނިސްޓްރީއަށް މިހައިތަނަށް ފާހަގަ ކުރެވިފައިވާ ޕޯޓަލްތައް:

https://immigrationgovmv.org

https://xpat-egovmv.com

https://xpategovmv.org

https://xpategov.com

https://www.xpat-gov.com

https://www.xpat-egov.online

އިކޮނޮމިކް މިިިނިސްޓްރީން ވަނީ އެ މިނިސްޓްރީން ފަރުމާކޮށްފައިވާ ޕޯޓަލް ބޭނުންކުރާ ފަރާތްތަކުން އެކަންކަމަށް ސަމާލުވުމަށް އެދިފައެވެ.

އެ ގޮތުން އެއްވެސް ޕޯޓަލަކަށް އެއްވެސް މައުލޫމާތެއް ނުދިނުމަށާއި, އެފަދަ ޕޯޓަލަކަށް ލޮގިން ކުރެވިފައިވާކަމަށް ޝައްކުކުވާ ނަމަ ޕާސްވޯޑް ރިސެޓްކުރުމަށް ވެސް މިނިސްޓްރީން ވަނީ އެދިފައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.