އަނބިމީހާގެ ބަނޑަށް ވަޅި ހެރި ފިރިމީހާގެ މައްޗަށް ދައުވާކޮށްފި
ށ. ފޭދޫގައި އަނބިމީހާގެ ގަޔަށް ވަޅި ހެރި ށ. ފޭދޫ، ރޭޑިއަމްގެ އާދަމްގެ މައްޗަށް ދައުވާކޮށްފިއެވެ.
މިދިޔަ މަހުގެ ތިންވަނަ ދުވަހު، އެ ހާދިސާ ރިޕޯޓްކުރީ ރޭ 9:30ކަންހައި އިރު ކަމަށާއި ވަޅިން ހަމަލާދިން މީހާއަކީ 37 އަހަރުގެ މީހެއް ކަމަށް ފުލުހުން މީގެ ކުރިން ބުނެފައިވެއެވެ.
ޕީޖީ އޮފީހުން މިއަދު ބުނީ އާދަމްގެ މައްޗަށް ތޫނު އެއްޗެއް ނުވަތަ ހަތިޔާރެއް ބޭނުންކޮށްގެން މާރާމާރީ ހިންގުމުގެ ކުށުގެ ދައުވާ ވަނީ އުފުލައިފައިވާ ކަމަށެވެ.
މި މައްސަލައިގައި ތޫނު އެއްޗެއް ނުވަތަ ހަތިޔާރެއް ބޭނުންކޮށްގެން މާރާމާރީ ހިންގުމުގެ ކުށުގެ ދަޢުވާ 30 ޖޫން 2022 ދުވަހު ށ. ފޭދޫ މެޖިސްޓްރޭޓް ކޯޓަށް ހުށަހަޅައިފައިވާ ކަމަށް ވެސް ޕީޖީ އޮފީހުން މިއަދު ބުނެފައިވެއެވެ.
މި ހާދިސާގައި އާދަމްގެ އަނބިމީހާއަށް މާ ސީރިއަސް ޒަހަމްތަކެއް ނުލިބުނު ނަމަވެސް، އެ ރަށު ސިއްހީ މަރުކަޒުން އޭނާއަށް ފަރުވާ ހޯދައިފައިވެއެވެ.
Ads by STO
