ހިލޭ އަންހެނެއްގެ ގައިގާ އަތްލެވޭނެ އެއްވެސް މިންވަރެއް ދީނުގައި ކަނޑައަޅުއްވާފައެއް ނުވޭ: ޑރ.މޫސާ އަންވަރު
ހިލޭ އަންހެނެއްގެ ގައިގާ އަތްލެވޭނެ އެއްވެސް މިންވަރެއް އިސްލާމްދީނުގައި ކަނޑައަޅުއްވާފައެއް ނުވާކަމަށް ޑރ.މޫސާ އަންވަރު ޙުސައިން ވިދާޅުވެއްޖެއެވެ.
ދާދިފަހުން މާފަންނު މެދު ދާއިރާގެ މެންބަރު އިބްރާހިމް ރަޝީދު (ބޮންޑެ) ވަނީ ދީނުގައި ހުއްދަކުރާ މިންވަރަށް ''ހިތާވެގެން'' އުޅޭ މީހާ ގައިގައި އަތްލެވޭނެ ކަމަށް ވިދާޅުވެފައެވެ.
މީގެ އިތުރުން ބޮންޑެ ވަނީ ބަދުއަޚްލާޤީ ޢަމަލަކީ ބައްދައިގެން ތިބުމާއި ކިސް ކުރުމާއި އުރަމަތީގައި ހިފުންފަދަ ކަންކަން ކަމަށާއި, އެއީ ޒިނޭއަކަށްނުވާނެ ކަމަށް ވެސް ވިދާޅުވެފައެވެ.
ބޮންޑެ މިހެން ވިދާޅުވެފައި ވަނިކޮށް ޑރ.މޫސާ އަންވަރު ޙުސައިން ވިދާޅުވީ ހިލޭ އަންހެނެއްގެ ގައިގާ އަތްލެވޭނެ އެއްވެސް މިންވަރެއް އިސްލާމްދީނުގައި ކަނޑައަޅުއްވާފައެއް ނުވާ ކަމަށެވެ. އަދި އަމިއްލައަށް މަގުފުރެދި, އެހެން މީހުން މަގުފުރެއްދުމުގެ ސަބަބަކަށް ނުވުމަށް ވެސް ޑރ.މޫސާ އަންވަރު ޙުސައިން ގޮވައިލެއްވިއެވެ.
