މަސް ދޯންޏެއް ފަރަކަށް އަރައި ދޯނި މެދުން ބިންދައިގެން ހިނގައްޖެ

ކ.ގާފަރު މަސް ދޯންޏެއް ފަރަކަށް އަރައި ދޯނި ބިންދައިގެން ހިނގައްޖެއެވެ.

Ads by STELCO

ރޭ މެންދަމުގެ ވަގުތެއްގައި ފ.ހިމިތީ ފަރަށް އަރާފައިވަނީ ގާފަރު ''ހުދަންބަރު 12'' ނަމަކަށް ކިޔާ ދޯންޏެކެވެ.

ދޯނި ފަރަށް އެރިއިރު ބިދޭސީންނާއެކު ޖުމްލަ 12 މީހުން ތިއްބެވެ.

ގާތްގަނޑަކަށް 80 ވަރަކަށް ފޫޓު ހުންނަ އެ ދޯނީގައި ތިބި މީހުން ވަނީ ސަލާމަތްކޮށްފައެވެ. އެ ދޯނީގައި 10 ޓަނު މަސް ހުރިކަމަށް މަޢުލޫމާތު ލިބެއެވެ.

ފީއަލީގެ ދެ ދޯންޏެއް އެ ސަރަހައްދަށް ގޮސް އެހީތެރިވަމުން އަންނައިރު ސިފައިން ވެސް އަންނަނީ އެ ސަރަހައްދުގައި ހަރަކާތްތެރިވަމުންނެވެ.