މި އަހަރުގެ ޒުވާނުންގެ އެވޯޑު ދިނުން މިރޭ

މި އަހަރުގެ ޒުވާނުންގެ އެވޯޑު ދިނުމުގެ ޖަލްސާ މިރޭ އޮންނާނެކަމަށް ޔޫތު މިނިސްޓްރީން ބުނެފިއެވެ.

Ads by Sosun Fihaara

މި އަހަރުގެ ޒުވާނުންގެ ދުވަސް ފާހަގަކުރީ އިއްޔެގައެވެ. މިރޭ ބާއްވާ ޒުވާނުންގެ ދުވަހުގެ ރަސްމީ ޖަލްސާ ޝަރަފްވެރިކޮށްދެއްވާނީ ރައީސް އިބްރާހިމް މުޙައްމަދު ޞާލިޙެވެ.

މި އަހަރު ޒުވާނުންގެ އެވޯޑުގެ ގޮތުގައި ތަފާތު 18 ދާއިރާއަކުން އިނާމު ދިނުމަށް ކަނޑައެޅިފައިވާ ކަމަށް ޔޫތު މިނިސްޓްރީން ކުރިން ބުންޏެވެ. ނަމަވެސް އެވޯޑު ދޭނީ ތަފާތު 10 ދާއިރާއަކުން ކަމަށް އެ މިިނިސްޓްރީން ފަހުން ވަނީ ބުނެފައެވެ.

ޒުވާނުންގެ އެވޯޑަކީ ތަފާތު ދާއިރާތަކުން ޤައުމުގެ ތަރައްޤީއަށް ޒުވާނުންކުރާ އަގުހުރި މަސައްކަތްތައް ފާހަގަކޮށް ހިތްވަރު ދިނުމުގެ ގޮތުން ދޭ އެވޯޑެކެވެ.