އެމްއެންޑީއެފްގެ އަސްކަރީ ތަމްރީނުތަކެއް
މޯލްޑިވްސް ނޭޝަނަލް ޑިފެންސް ފޯސް އިން ކ.ގިރިފުށީގައި އަސްކަރީ ތަމްރީނުތަކެއް ކުރިއަށް ގެންދަން ނިންމައިފިިއެވެ.
ތަމްރީނުތައް ކުރިއަށް ގެންދާނީ މި މަހުގެ 29, 30 އަދި 31 ވަނަ ދުވަހުގެ 18:30 އިން 21:00 އަށެވެ.
މި ތަމްރީނުތަކުގައި ބޭނުންކުރާ ހަތިޔާރަކީ AK103/T56 އެވެ. ވައިގެ ސަރަހައްދު ބޭނުންކުރޭނެ އެންމެ ދުރުމިނަކީ 3000 މީޓަރެވެ. އަދި ވައިގެ ސަރަހައްދު ބޭނުންކުރާނެ އެންމެ އުސްމިނަކީ 300 މީޓަރެވެ.
ވައިގެ ސަރަހައްދު ބޭނުންކުރާނެ އެންމެ ތިރިމިނަކީ ސީ.ލެވެލް ކަމަށްވާއިރު, ވައިގެ ސަރަހައްދު ބޭނުންކުރާނެ ޑައިރެކްޝަނަކީ ގިރިފުށީގެ ރޭންޖްއިން ހުޅަނގު ދެކުނެވެ.
މިނިސްޓްރީ އޮފް ޓްރާންސްޕޯޓް އެންޑް ސިވިލްއޭވިއޭޝަނުން ވަނީ އެ ސަރަހައްދުން ކަނޑު ދަތުރުފަތުރު ކުރާ ފަރާތްތަކުން މިކަމަށް ސަމާލުކަން ދެއްވައިގެން ދަތުރުފަތުރު ކުރެއްވުމުގެ ކަންކަން ކުރިއަށް ގެންދިއުމަށް އަންގާފައެވެ.
Ads by STO
