އައްޑުއާއި ފުވައްމުލަކުގައި ބާއްވާ މުފްތީ މެންކްގެ ދަރުސް އޮންނަ ތަން ބަަދަލުވެއްޖެ
އައްޑޫ ސިޓީއާއި, ފުވައްމުލައް ސިޓީގައި ބާއްވާ މުފްތީ މެންކްގެ ދަރުސްތައް އޮންނަ ތަން ބަދަލުވެފައިވާކަމަށް އިސްލާމިކް މިނިސްޓްރީން މިއަދު ބުނެފިއެވެ.
އިސްލާމިކް މިނިސްޓްރީން ބުނި ގޮތުގައި މިރޭ ފުވައްމުލަކުގައި ބާއްވަން ހަމަޖެހިފައިވާ ދަރުސް މިހާރު އޮންނާނީ އެ ސިޓީގެ ޙާފިޒް އަޙްމަދު ސްކޫލުގައެވެ. އަދި މާދަމާ ރޭ އައްޑޫ ސިޓީގައި ދަރުސް އޮންނާނީ އައްޑޫ ހައި ސްކޫލްގައެވެ.
މި ބަދަލުތައް ގެނައީ މޫސުން ގޯސްވުމާ ގުޅިގެންނެވެ. ނަމަވެސް ދަރުސް އޮންނަ ގަޑިއަކީ ކުރިން ވެސް ހަމަޖައްސާފައިވާ ފަަދައިން ރޭގަނޑު 20:45 ކަމަށް މިނިސްޓްރީން ބުންޏެވެ.
ފުވައްމުލަކުގައި މުފްތީ މެންކް ދަރުސް ދެއްވާނީ އިސްލާމްކަމާއި, އޯގާތެރިކަމާއި ހިތްހެޔޮކަން މި މައުޟޫޢުއަށެވެ.
މިނިސްޓްރީގެ ދަޢުވަތަކަށް މުފްތީ މެންކް މިހާރު ރާއްޖެއަށް ކުރައްވަމުން ގެންދަވާ ދަތުރުފުޅުގައި ރޭ ދަރުސް ދެއްވީ މާލޭ ސިޓީގައެވެ. އެ ދަރުހަށް ވަނީ ބޮޑު ތަރުހީބެއް ލިބިގެން ގޮސްފައެވެ.
މުފްތީ މެންކްގެ މި ދަތުރުފުޅުގައި ހުޅުމާލޭގައި ވެސް ދަރުސް ދެއްވާނެއެވެ.
