އަންނަބީލާ ޙަބީބާގެ ހަނދާނުގައި ތައުޒިޔާގެ ދަފްތަރެއް ހުޅުވައިފި

ނިޝާން ދިޔަމިގިލީ ޝަރަފުގެ ޢިއްޒަތުގެ ވެރިޔާ އަންނަބީލާ ޙަބީބާ ޙުސައިން ޙަބީބްގެ ހަނދާނުގައި ތައުޒިޔާގެ ދަފްތަރެއް ހުޅުވައިފިއެވެ.

Ads by STELCO

މި ދަފްތަރު ހުޅުވާފައިވަނީ ދިވެހި ބަހުގެ އެކެޑަމީގައެވެ.

އެކެޑަމީގައި ބޭއްވި ރަސްމިއްޔާތެއްގައި ދަފްތަރު ހުޅުވައިދެއްވާ އެންމެ ފުރަތަމަ ސޮއިކުރެއްވީ ހެރިޓޭޖް މިނިސްޓަރު ޔުމްނާ މައުމޫނެވެ.

އެ ރަސްމިއްޔާތުގައި ޙަބީބާގެ ޢާއިލާގެ ބޭފުޅުން ވެސް ބައިވެރިވެވަޑައިގަތެވެ.

ދިވެހި އަދަބިއްޔާތާއި ތާރީޚަށް ގިނަގުނަ ޚިދުމަތްތަކެއް ކުރައްވާފައިވާ ޙަބީބާ އަވަހާރަވީ އޭޑީކޭ ހޮސްޕިޓަލުގައި ފަރުވާދެމުންދާތާ ދުވަސްތަކެއްވީ ފަހުން މި މަހުގެ 21 ވަނަ ދުވަހުގެ ހަވީރުގެ ވަގުތެއްގައެވެ. އަވަހާރަވިއިރު އެ ކަމަނާގެ ޢުމުރުފުޅަކީ 92 އަހަރެވެ.