ކޮވިޑް ޖެހުނު ފަރާތްތަކަށް ފަރުވާ ދިނުމުގައި ސާބިތުކަމާއެކު ހަތަރު މަސް ހޭދަކުރި ކަޝްމީރުގެ ޑޮކްޓަރެެއް، ބަލީގެ ޝިކާރައަކަށްވެ ނިޔާވެއްޖެ
ކަޝްމީރްގައި ކޮވިޑް-19 ޖެހުނު ފަރާތްތަކަށް ފަރުވާ ދިނުމުގައި ސާބިތު ކަމާއެކު ހަތަރު މަސް ހޭދަކުރި ޑރ. މުޙައްމަދު އަޝްރަފް މީރް، އެބައްޔަށް ފައްސި ވެގެން ނިޔާވެއްޖެއެވެ.
ރިޕޯޓުތަކުން ބުނެފައިވާ ގޮތުގައި ޑރ. މުޙައްމަދު ނިޔާވެފައިވަނީ މިއަދު ހެނދުނުގެ ވަގުތެއްގައެވެ.
ކޮވިޑަށް ފައްސިވުމުގެ ސަބަބުން ޑރ. މުޙައްމަދު އެޑްމިޓުކުރީ ޝްރީނަގަރް ގައި ހުންނަ ޝީރޭ ކަޝްމީރް އިންސްޓިޓިއުޓް އޮފް މެޑިކަލް ސައިންސެސް ގައެވެ.
އެތަކެއް ބަލިމީހުންނަށް ނުހަނު އޯގާތެރި ކަމާއެކު ފަރުވާ ދެއްވި ޑރ. މުޙައްމަދު މިދުނިޔެއާއި ވަކިވުމުން ކަޝްމީރްގެ އެތައް ބަޔަކު އަންނަނީ ހިތާމަފާޅު ކުރަމުންނެވެ.
ކަޝްމީރްގައި ވެސް މިބަލި އަންނަނީ ހަލުވިކަމާއެކު ފެތުރެމުންނެވެ. އެގޮތުން ފާއިތުވީ 24 ގަޑިއިރު ތެރޭގައި 463 މީހުން އެޤައުމުން މިބައްޔަށް ފައްސިވެފައިވެއެވެ. އަދި ޖުމްލަ 21.5 ލައްކައަށްވުރެ ގިނަ މީހުންނަށް މިހާރު އެޤައުމުން މިބަލި ޖެހިފައިވެއެވެ.
ކޮވިޑް-19 ޖެހިގެން ކަޝްމީރުން މަރުވިމީހުންގެ އަދަދު 43،000 އަށްވުރެ ގިނަ ކަމަށް ރިޕޯޓުތަކުން ބުނެއެވެ.
Ads by STO
