Monday, 16 November 2026
Advertisement
Ooredoo — Airfibre (leaderboard)
ޚަބަރު

ރޮނާލްޑޯއަށް ފުރަތަމަ 11އިން ފުރުސަތު ނުދޭން ނިންމީ ރަނގަޅަށް

ރޮނާލްޑޯއަށް ފުރަތަމަ 11އިން ފުރުސަތު ނުދޭން ނިންމީ ރަނގަޅަށް

ކުއާޓާފައިނަލުން، ހިތި ގޮތަކަށް ޕޯޗުގަލް ވޯލްޑްކަޕާ އަލްވަދާއު ކިޔަން ޖެހުނުއިރު، ރޭ، މޮރޮކޯއާ ދެކޮޅަށް ކުޅުނު މެޗުން ކްރިސްޓިއާނޯ ރޮނާލްޑޯއަށް ފުރަތަމަ 11 އިން ފުރުސަތު ނުދޭން ނިންމި ނިންމުން، ޕޯޗުގަލްގެ ކޯޗު ފެނާންޑޯ ސަންޓޯސް ދިފާއު ކޮށްފިއެވެ.

މުބާރާތުގެ ކުއާޓާފައިނަލްގައި ރޭ މޮރޮކޯ އަތުން 1-0 އިން ބަލިވެ ޕޯޗުގަލް ވަނީ މުބާރާތުން ކަޓައިފައެވެ. މިއީ ޕޯޗުގަލް ވޯލްޑް ކަޕްގެ ކުއާޓާފައިނަލުން ކެޓި ފުރަތަމަ ފަހަރެވެ.

މި މެޗުގައި ރޮނާލްޑޯގެ ބަދަލުގައި ޖާގަ ދިނީ ޒުވާން ފޯވާޑް ގޮންސާލޯ ރާމޯސް އެވެ. މިއީ ރޮނާލްޑޯ އަށް ފުރަތަމަ އެގާރައިން ޖެހިޖެހިގެން ޖާގަ ނުދިން ދެވަނަ މެޗެވެ. އޭނާއަށް ރޭގެ މެޗުން ފުރުސަތު ދިނީ، ފަހުން ބަދަލު ކުޅުންތެރިއެއްގެ ގޮތުގައެވެ.

Advertisement
Ooredoo — Truecaller (box)

މި ނިންމުމާ ގުޅޭގޮތުން ވާހަކަ ދައްކަމުން ޕޯޗުގަލްގެ ކޯޗު ބުނީ، ފުރަތަމަ 11 އިން ރޮނާލްޑޯއަށް ފުރުސަތު ނުދޭން ނިންމީ ސިކުނޑިން ވިސްނައިގެން ކަމަށާއި، އެކަހަލަ ނިންމުންތައް ނިންމޭނީ ހިތަކުން ނޫން ކަމަށެވެ.

އަދި އޭނާ ނެރުނީ މޮޅު ޓީމެއް ކަމަށާއި، ރޮނާލްޑޯއަށް ފުރުސަތު ނުދިނަސް އޭނާ އަކީ މޮޅު ކުޅުންތެރިއެއް ކަމަށެވެ.

ކޯޗު އިތުރަށް ބުނީ ކުޅުންތެރިން މޮޅު ކުޅުމެއް ދެއްކިޔަސް، ފުޓްބޯޅައިގައި ބައެއް ފަހަރު ނަސީބަކީވެސް ވަރަށް މުހިންމު އެއްޗެއް ކަމަށެވެ. އަދި ޕޯޗުގަލްއަށް މަދުވީ ނަސީބު ކަމަށްވެސް ސަންޓޯސް ބުންޏެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.