Tuesday, 17 November 2026
Advertisement
Ooredoo — Article-Top (leaderboard)
ޚަބަރު

މި ބާވަތްތަކުން ޖީއެސްޓީ ދައްކާކަށް ނުޖެހޭނެ

މި ބާވަތްތަކުން ޖީއެސްޓީ ދައްކާކަށް ނުޖެހޭނެ
މި ފެށޭ އައު އަހަރާއެކު، ޖީ.އެސް.ޓީއާއި ޓީ.ޖީއެސްޓީގެ ރޭޓަށް ބަދަލު އަންނާނެއެވެ.  ސަރުކާރުން ނިންމެވީ ދައުލަތުގެ މާލީ ހާލަތު ރަނގަޅުކުރުމަށެވެ. ޓީ.ޖީ.އެސް.ޓީ ރޭޓް %16 އަށް އަދި ޖީ.އެސް.ޓީ ރޭޓް %8 އަށް ބަދަލުކުރުމަކީ ރާއްޖޭގެ އިޤްތިޞާދު ފަތުރުވެރިކަމަށް ބިނާވެފައިވާ މިންވަރު ކުޑަކުރުމުގެ ގޮތުން އަޅުއްވާ ފިޔަވަޅެއް ކަމަށް ސަރުކާރުން ވިދާޅުވެއެވެ. ޖީއެސްޓީ ނަގަން ނިންމެވުމާއެކު، ގިނަ ބައެއްގެ ޝަކުވާ އިތުރުވެފައިވާއިރު، އެންމެ އަސާސީ ތަކެތިން ޖީއެސްޓީ ނުނަގާނެކަން އެނގޭހެއްޔެވެ؟ ޖީއެސްޓީ ނުނަގާމެ ބާވަތްތަކުގެ ތެރޭގައި ކާޑުގެ ބާވަތްތަކާއި، ލޮނާއި، ކައްކާ ތެލާއި މަހުގެ ބާވަތްތައްވެސް ހިމެނެއެވެ. ޖީއެސްޓީ ނުނަގާނެ އިތުރު ބާވަތްތައް؛
  • ސައިފަތް
  • ފިޔާ، އަލުވި
  • ކުޑަކުދިންގެ ކާނާ
  • މޭވާ
  • ދިޔާ ހަކުރު، ކުރުނބާ،
  • ޕެޓްރޯލާއި ޑީސަލް
  • ކުރޮޅި، ކާށި
  • ހަވާދުގެ އެކި ބާވަތްތައް
  • ތަރުކާރީގެ ތެރެއިން، ކެރެޓް، ކެބެޖް، ބީންސް އަދި ޓޮމާޓޯ
  • ނެޕީ
މިބާވަތްތަކަކީ މިހާރުވެސް ޖީ.އެސް.ޓީ ނުނަގާ ބާވަތްތަކުގައި ހިމެނޭ ބާވަތްތަކެވެ. މިބާވަތްތައް ނޫން ބާވަތްތަކުން މިހާރު %6 ގައި ޖީ.އެސް.ޓި ނަގަމުންދެއެވެ. އަދި މާދަމާއިން ފެށިގެން %8 ގައި ޖީ.އެސް.ޓީ ނަގަމުންދާނެއެވެ. ރައީސް އިބްރާހީމް މުޙައްމަދު ޞާލިޙު އެންމެ ފަހުން ނޫސްވެރިންނާ ބައްދަލުކުރައްވައި ވިދާޅުވެފައިވަނީ ޖީއެސްޓީ ނަގަން ފެށިޔަސް، އެއީ ރައްޔިތުންނަށް ބޮޑު ތަކުލީފަކަށް ނުވާނެ ކަމަަށެވެ. ސަރުކާރުން ޓެކްސް ބޮޑު ކުރަން ނިންމެވިއިރު، ރައީސް މުޙައްމަދު ނަޝީދު ވަނީ އެމަނިކުފާނަށް ވެރިކަން ލިބިވަޑައިގެންފިނަމަ، ޓެކްސް ކުޑަ ކުރައްވާނެ ކަމަށް ވިދާޅުވެފައެވެ.  

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.