ނިރުބަވެރި ކަމަށް ހިތްވަރުދޭ ކަމަށް ބުނާ ލިޔުމެއްގެ މައްސަލައެއް ބަލަނީ

ނިރުބަވެރި ކަމަށް ހިތްވަރުދޭ ކަމަށް ބުނާ ލިޔުމެއް އައްޑޫ ސިޓީގައި ހަރުކުރި މައްސަލައެއް ފެންމަތިވެއްޖެއެވެ.

Ads by MWSC

އައްޑޫ ސިޓީގައި ޓެރަރިސްޓް ހަމަލާއެއް ދޭނެ ކަމަށް ބުނެ އިންޒާރު ދީފައިވާ ލިޔުމެއް ލިޔެފައިވާ ފޮޓޯ އެއް ނޫސްވެރިއަކު ފުލުހުންގެ މީޑިއާ ގްރޫޕްގައި ހިއްސާކޮށް، އެފަދަ މައްސަލައެއް ބަލަމުން ދޭތޯ ސުވާލު ކުރުމުން، ފުލުހުންގެ މީޑިއާ އޮފިޝަލު ވިދާޅުވީ އެފަދަ މައްސަލައެއް ފުލުހުންގެ ސަމާލުކަމަށް އައިސްފައިވާ ކަމަށެވެ.

އަދި ވިދާޅުވީ މި މައްސަލަ ބަލަމުން އަންނަ ކަމަށެވެ.

އިންޒާރުގެ ލިޔުމުގައި ލިޔެފައިވަނީ  އައްޑޫ ސިއްސުވާލަނީ ކަމަށާއި ''ލޭ އޮހޮރުމަކަށް ނުގޮސް އަމާންދީ'' މިހެން ވެސް ލިޔެފަވެއެވެ. އަދި އަޚުންތައް ދޫކޮށް ލުމަށް ލިޔުމަށްފަހު، މިއީ އެންމެ ފަހުގެ އިންޒާރު' ކަމަށް ވެސް ލިޔެފަވެއެވެ.