މުދަލު ޒަކާތުގެ ގޮތުގައި، 91.53 މިލިއަން ރުފިޔާ

މުދަލު ޒަކާތުގެ ގޮތުގައި ދައުލަތަށް މިދިޔަ އަހަރު 91.53 މިލިއަން ރުފިޔާ ލިބިއްޖެއެވެ.

Ads by MWSC

ދަޢުލަތުގެ ޓެކްސް އިދާރާ، މޯލްޑިވްސް އިންލޭންޑް ރެވެނިއު އޮތޯރިޓީ (މީރާ) އިން އާންމު ކުރައްވައިފައިވާ، އެންމެ ފަހުގެ ތަފާސްހިސާބުތައް ދައްކާ ގޮތުގައި މިދިޔަ އަހަރުތެރޭ މުދަލު ޒަކާތުގެ ގޮތުގައި 91.53 މިލިއަން ރުފިޔާ ލިބިފައިވެއެވެ. ދެހާސް އެކާވީސް ވަނަ އަހަރު މުދަލު ޒަކާތުގެ ގޮތުގައި ލބުނީ 91.51 މިލިއަން ރުފިޔާއެވެ.

ރާއްޖޭގައި މުދަލުގެ ޒަކާތް ވާޖިބުވާ ނިސާބު ބަލަނީ ރިހީގެ އަގުންނެވެ. އިސްލާމިކް މިނިސްޓްރީން ވަނީ މި އަހަރު މުދަލު ޒަކާތު ވާޖިބުވާ ނިޞާބަށް ބަދަލުތަކެއް ގެންނަވައިފައެވެ.

އެގޮތުން އެންމެ ފަހުން ސެޕްޓެމްބަރު ގެނައި ބަދަލާ އެކީ މުދަލު ޒަކާތް ވާޖިބުވާ ނިސަބަކީ 5،777.45 ރުފިޔާއެވެ. އޭގެ ކުރީން ޖޫން މަހު ކަނޑައެޅި ނިސާބަކީ 63،96.25 ރުފިޔާއެވެ.