ރަންވީރުގެ ފޮޓޯއާއެކު ނަޓެއްލާގެ ލިމިޓެޑު ޖާ ތަކެއް ބަހަނީ
ދުނިޔޭގައި ނަން މަޝްހޫރު ބްރޭންޑު ފެރޭރޯގެ ކޮކޯ ސްޕްރެޑް ނަޓެއްލާގެ ވިޔަފާރި ރަނގަޅު ކުރުމަށް، އެމްބެސެޑާއެއްގެ ގޮތުގައި އެކްޓަރު ރަންވީރް ސިންގް ހަމަޖައްސައިފި އެވެ.
ނަޓެއްލާގެ ބްރޭންޑް އެމްބެސެޑަރެއްގެ ގޮތުގައި ރަންވީރު ހަމަޖެއްސީ އިންޑިއާގައި އެ އުފެއްދުން ޕްރޮމޯޓުކޮށް، ޑިޖިޓަލް މާކެޓުގައި މާކެޓު ކުރުމަށްޓަކަ އެވެ. އެއާއެކު މިހާރުވެސް ވަނީ ކެމްޕެއިނެއް ފަށައިފަ އެވެ. ރަންވީރު ކުޅެފައިވާ ވީޑިއޯ އެޑްވަޓައިސްމެންޓެއް ސޯޝަލް މީޑިއާގައި މިހާރު ދަނީ ޕްރޮމޯޓު ކުރަމުންނެވެ.
މި ކެމްޕެއިންގެ ތެރެއިން ރަންވީރުގެ ފޮޓޯ ޖަހާފައި ހުރި ނަޓެއްލާ ޖާ ތަކެއް ވަނީ ތައާރަފުކޮށްފަ އެވެ. މިއީ ލިމިޓެޑް އުފެއްދުންތަކެއް ކަމަށާއި މިތަކެތި ވިއްކުމުގެ ބަދަލުގައި ނަޓެއްލާގެ ފޭނުންނަށް މި ތަކެތި ބަހާގޮތަށް ފެރޭރޯ ކުންފުނިން ވަނީ ނިންމައިފަ އެވެ. މީގެ އިތުރުން ރަންވީރުގެ ފޭނުންނަށްވެސް މި ޖާ ތައް ބަހާނެ އެވެ.
ދުނިޔޭގެ ނަޓެއްލާ ދުވަހުގެ ގޮތުގައި ފާހަގަ ކުރަނީ ފެބުރުއަރީ މަހުގެ 5 ވަނަ ދުވަހެވެ. މިއަހަރުގެ ނަޓެއްލާ ދުވަހާއި ދިމާކޮށް އިންޑިއާގައި ހާއްސަ ހަރަކާތްތަކެއް ބޭއްވުމަށް ވަނީ ހަމަޖެހިފަ އެވެ. އަދި ފޭސްބުކް އާއި އިންސްޓަގްރާމް އަދި ޔޫޓިއުބު މެދުވެރިކޮށްވެސް މި ހަރަކާތްތަކުގައި ބައިވެރިވެ ލިމިޓެޑް އެޑިޝަން ޖާ އެއް ހޯދިދާނެ އެވެ.
43 މިލިއަން ފޮލޯވާޒް ހަމައެކަނި އިންސްޓަގްރާމްގައި އޮތް ރަންވީރަކީ މީގެ ކުރިންވެސް ގިނަ ބްރޭންޑުތަކެއް އެންޑޯޒްކޮށްފައިވާ ތަރި އެކެވެ. އޭނާ އެންޑޯޒްކޮށްފައިވާ ގިނަ ބްރޭންޑުތައް ނިސްބަތްވަނީ ކުޅިވަރު ދާއިރާއަށެވެ.
Ads by STO
