މާލޭގެ ރައްޔިތުންނަށް ވެފައިވާ މުހިންމު ވަޢުދެއް ފުދިއްޖެ: އަސްލަމް
ރައީސް އިބްރާހީމް މުޙައްމަދު ޞާލިޙު، މާލޭގެ ރައްޔިތުންނަށް ވެވަޑައިގެންނެވި އެންމެ މުހިންމު އެއް ވަޢުުުދު ފުދިއްޖެ ކަމަށް ޕްލޭނިން މިނިސްޓަރު މުޙައްމަދު އަސްލަމް ވިދާޅުވެއްޖެއެވެ.
މިނިސްޓަރު މިހެން ވިދާޅުވެފައިވަނީ ކުޑަގިރި ހުޅުވުމަށް މިއަދު އެރަށުގައި ބޭއްވި ރަސްމިއްޔާތުގައި ދެއްކެވި ވާހަކައިގައެވެ.
އަސްލަމް ވިދާޅުވީ ކޮވިޑް-19ގެ ޕެންޑެމިކް ކުރިމަތިވީއިރުވެސް، އެއްވެސް ރަށެއް ތަފާތު ކުރުމެއް ނެތި، ގެއްލުނު ދުވަސްތަަކާވެސް އެކުގައި ފެނިގެންދަނީ ސަރުކާރުން ވަޢުދުތައް ފުއްދަމުން އަންނަ މަންޒަރު ކަަމަށެވެ. އަދި މި ތަރައްޤީ ގެނައުމުގައި އެއްވެސް ރަށެއް ބާކީ ނުކުރައްވާކަން ފާހަގަކުރައްވައި، ކުޑަގިރި ހުޅުވުމާއެކުގައި މާލޭގެ ރައްޔިތުންނަށް ވީ އެއް ވަޢުދު ފުދިއްޖެ ކަމަޑް އަަސްލަމް ވިދާޅުވިއެވެ.
"ދެން މި ވަޢުދުގަ އިތުރަށް ފެހި ކަންވެސް އަންނާނެ، ރީތިކަންވެސް އަންނާނެ، މީހުން އައުން އިތުރުވެސް ވާނެ. މީހުން މަޖާވެސް ކުރާނެ، އުފާވެސް ކުރާނެ، ކައިވެނިތައްވެސް ހިނގާނެ."
އަސްލަމް ވިދާޅުވީ މި ސަރުކާރުން ވެފައިވާ އިތުރު ވަޢުދުތައް ދާނީ ފުއްދަމުން ކަަމަށާއި، ބްރިޖާއި ބޯހިޔާވަހިކަންވެސް އަންނާނެ ކަމަށެވެ.
Ads by STO
