ޢާޒިމް ވިދާޅުވަނީ، މެސީ ފަދައިން ރައީސް ޞާލިޙު ހިފަހައްޓައިލުމަކީ "ނާމުންކިން" ކަމެއް ކަމަށް

އާޒިމް ވިދާޅުވީ ޖަޒީރާ ވަންތަ ސާފި ތަރައްޤީގެ މިސާލުތައް، މި ވެރިކަމުގައި ރާއްޖޭގެ ކޮންމެ ރަށަކުންވެސް އޮތީ ފެންނަން ކަމަށެވެ.

Ads by Hajj Corporation

ރައީސްއަށް ވަރަށް ބޮޑަށް ތަޢުރީފު ކުރައްވައި، މިއީ ރާއްޖޭގެ ތާރީޚު ދުށް އެންމެ ބަރާބަރު ސަރުކާރު ކަމަށްވެސް ޢާޒިމް ވިދާޅުވިއެވެ.

ޢާޒިމް ވިދާޅުވީ އިދިކޮޅު ފަރާތްތަކުން ރައީސްގެ ފައިންޕުޅުގައި ދަތި އަޅުވައި ވައްޓައިލާން މަސައްކަތް ކުރެއްވިޔަސް، އެ މަނިކުފާނަކީ ތަރައްޤީގެ ބާރު ސްޕީޑްގެ ލީޑަރެއް ކަމަށެވެ.

"ވޯލްޑްކަޕް ފައިނަލްގައި، އިދިކޮޅު ޓީމަށް މެސީ ހިފަހައްޓާ ނުލެވުނު ފަދައިން، ޖަޒީރާ ރަށްވެރިކަމުގެ ތަރައްޤީގައި އިދިކޮޅު އެއްވެސް ލީޑަރަކަށް، މަނިކުފާނު ހިފެހެއްޓުމަކީ ނާ މުންކިން ކަމެއް، އިމްޕޮސިބަލް ކަމެއް."

ޢާޒިމް ވަނީ ކުޑަގިރި މަޝްރޫޢު ފެށިގެން އައި ގޮތަށް އަލިއަޅުވައިލައްވައިފައެވެ. މިގޮތުން މި މަޝްރޫޢު ފެށުމަށް ބިން ހިއްކުމުގެ މަސައްކަތް ފެށީ 27 ޖެނުއަރީ 2022ގައިކަން އޭނާ ފާހަގަކުރެއްވިއެވެ.

އޭނާ ވިދާޅުވީ ކުޑަގިރި ހެދުމަށްޓަކައި، ފަސްފޫޓު ފުން ފަޅެއް 1.6 މީޓަރުގެ އުސް މިނުގައި 8 ހެކްޓަރު ހިއްކައި، އައްސޭރި ފަށް ހިމާޔަތް ކުރުމުގެ މަސައްކަތްވެސް ނިންމީ އެމްޓީސީސީން ކަމަށެވެ. މި ހުރިހައި ކަމެއް ނިންމީ އެންމެ ފަސް މަސް ދުވަހުގެ ތެރޭގައި ކަމަށް އޭނާ ވިދާޅުވިއެވެ.

ޢާޒިމް ވިދާޅުވީ މާލޭގެ ރައްޔިތުންގެ އަތުން ކުޑަ ބަނޑޮސް ބީވެގެން ދިޔައިރު، އޭގެ ބަދަލުގައި ރައީސް އިބްރާހީމް މުޙައްމަދު ޞާލިޙު އެ ހައްދަވައިދެއްވީ އޭގެ ދެ ގުނަ ރަނގަޅު ރަށެއް ކަމަށެެވެ.

މި މަޝްރޫޢު ހަޤީޤަތަކަށް ހެއްދެވުމަށް ނައިބު ރައީސް ފައިސަލް ނަސީމް ކުރެއްވި މަސައްކަތް ފާހަގަކުރައްވައި، އާޒިމް ވަނީ އެ މަނިކުފާނަށް ވަރަށް ބޮޑަށް ތަޢުރީފު ކުރައްވައިފައެވެ.

ޢާޒިމް ވިދާޅުވީ މާލެ ސިޓީ އަކީ މުޅި ދުނިޔޭގެ ނިސްބަތުން ބަލާއިރުވެސް، އެންމެ ބޮޑަށް ތޮއްޖެހިފައިވާ ރަށް ކަމަށާއި، މާލޭގެ ރައްޔިތުން ހިތް އުފާކޮށްލުމަށް ދާން އޮތް ކުޑަ ބަނޑޮސް، އެއްވެސް ރަޙުމެއް ނެތް އަަތަކުން ދަމައިގަތުމުން، މާލޭގެ ރައްޔިތުންނަށް އާއިލާއެކުގައި މޫދަށް އެރިލަންދާނެ ތަނެއްވެސް ތިބީ ނެތިފައި ކަަމަށެވެ.

ޢާޒިމް އިތުރަށް ވިދާޅުވީ ނަރުދަމާއާއި، ފެންހޮޅި އަޅައި، ޕާކުތަކާ، ރީތި ހޭޅި ފަށާއެކު ރައީސް ޞާލިޙު، މާލޭގެ ރައްުޔިތުންނަށް ގެއްލުނު އުފާ ހޯއްދަވައިދެއްވައިފައިވާ ކަަމަށެެެވެ. އަދި ވިދާޅުވީ ކ.އަތޮޅުގެ ގިނަ ރަށްތަކަށް ތަަރައްޤީ ގެނެސްދެއްވުމަށް ރައީސް ގިނަ މަސައްކަތްތަކެއް ކުރެއްވިި ކަމަށެވެ.