އަހަރަކަށް ވުރެ ގިނަ ދުވަސްފަހުން ޖެކް މާ ޗައިނާއިން ފެނިއްޖެ
ފާއިތުވި ތިން އަހަރުގެ ތެރޭގައި އާންމުންގެ ތެރެއިން މަދުން ނޫނީ ނުފެންނަ، އަލީބާބާގެ ބާނީ ޖެކް މާ އަނެއްކާވެސް ޗައިނާގެ ހަންގްޒޫގެ ސްކޫލަކުން ފެނިއްޖެއެވެ.
2020 ވަނަ އަހަރު ޗައިނާގެ ފައިނޭންޝަލް ރެގިއުލޭޓަރުންނަށް ފާޑުކިޔުމަށްފަހު އާއްމުންނާއި މީޑިއާތަކާއިވެސް ވަރަށް ފިލައިގެން އުޅުނު އުމުރުން 58 އަހަރުގެ ރޮނާލްޑޯ ގެންގުޅުނީ ލޯ ޕްރޮފައިލްއެކެވެ. މާ އަކީ ޓެކް ވިޔަފާރިވެރިންނާ ދެކޮޅަށް ހިންގި ހަރުކަށި ފިޔަވަޅުތަކުގެ ތެރެއިން ގެއްލުނު ޗައިނާގެ އެންމެ ހައި ޕްރޮފައިލް ބިލިއަނަރެވެ.
ސައުތު ޗައިނާ މޯނިން ޕޯސްޓުން ބުނި ގޮތުގައި އޭނާ އެނބުރި ޗައިނާއަށް އައީ އެއް އަހަރަށް ވުރެ ގިނަ ދުވަހު ގައުމުން ބޭރުގައި ހުރުމަށްފަހުއެވެ.
އަލީބާބާގެ ހިއްސާ އޮންނަ އެނޫހުން ބުނި ގޮތުގައި އޭނާ ހޮންގްކޮންގްގައި ކުޑަ ވަގުތުކޮޅަކަށް މަޑުކޮށްފައިވާއިރު އެތަނުގައި އޮތް ބައިނަލްއަގުވާމީ އާޓް ފެއާއެއް ކަމަށްވާ އާޓް ބާސެލްއަށް ވަނީ ގޮސްފައެވެ.
އަދި ދަނޑުވެރިކަމުގެ ޓެކްނޮލޮޖީއާ ބެހޭ ގޮތުން މައުލޫމާތު ހޯއްދެވުމަށް މާ، އެކި ގައުމުތަކަށް ދަތުރު ކުރަމުންދާ ކަމަށް އެނޫހުން ބުނެފައިވާނަމަވެސް ފާއިތުވި އަހަރުތަކުގައި އާންމުންގެ ނަޒަރުން އޭނާ ގެއްލުނީ ކީއްވެ ކަމެއް އެނޫހުން ބުނެެފައެއް ނުވެއެވެ.
