ހެލްތު މިނިސްޓަރު މިހާރުން މިހާރަށް މަގާމުން ވަކިކޮށް މައްސަލަ ތަހުގީގުކުރަން ޖެހޭ: އީވާ
ކޮވިޑް-19އާ ގުޅިގެން ހެލްތް މިނިސްޓްރީން ކުރި ހަރަދުގެ ކޮމްޕްލަޔަންސް އޮޑިޓް ރިޕޯޓުގައިވާ ގޮތުން އެ މިނިސްޓްރީން ގޯސްތަކެއް ހަދާފައިވާތީ ހެލްތު މިނިސްޓަރު އަބްދުﷲ އަމީން މިހާރުން މިހާރަށް މަގާމުން ވަކިކޮށް މައްސަލަ ތަހުގީގުކުރަން ޖެހޭ ކަމަށް ގަލޮޅު އުތުރު ދާއިރާގެ މެމްބަރު އީވާ އަބްދުﷲ ވިދާޅުވެއްޖެއެވެ.
އެ ރިޕޯޓުގައި ވެންޓިލޭޓަރާއި އެހެން ވެސް ސިއްހީ ދާއިރާގެ ތަކެތި ގަތުމުގައި ހީލަތާއި މަކަރު ހަދާ ކޮރަޕްޝަނަށް ތުހުމަތުވާ ގޮތަށް އެތައް މިލިއަން ރުފިޔާއެއްގެ ހަރަދު ކޮށްފައިވާކަން ވަނީ ހާމަވެފައެވެ.
މި މައްސަލާގައި ވިލިމާލެ ދާއިރާގެ މެމްބަރު އަހުމަދު އުޝާމް ވަނީ ރައްޔިތުންގެ މަޖިލީހަށް ކުއްލި މައްސަލައެއް ހުށަހަޅުއްވާފައެވެ.
އުޝާމް ހުށަހެޅުއްވި މައްސަލައިގައި ބުނެފައި ވަނީ، މަޖިލީހުން އެދިގެން އޮޑިޓާ ޖެނެރަލް ހެއްދެއްވި ކޮމްޕްލަޔަންސް އޮޑިޓްތަކުން ކޮވިޑް-19 އާ ގުޅިގެން ސަރުކާރުގެ ވުޒާރާތަކުން ހަރަދުކުރުމުގައި މާލިއްޔަތުގެ ގާނޫނާއި މާލިއްޔަތުގެ ގަވާއިދާ ހިލާފަށް އެތަކެއް ކަންކަން ކޮށްފައިވާކަން މި ރިޕޯޓުތަކުން އެނގެން އޮންނަ ކަމަށެވެ.
މައްސަލައަށް ބަހުސް ކުރައްވަމުން އީވާ ވިދާޅުވީ އެމްޑީޕީއަކުންނެއް ވައްކަން ފޮރުވާކަށް މަސައްކަތެއް ނުކުރާނެ ކަމަށާއި އޭނާ އަކީ ރައީސް އިބްރާހިމް މުހައްމަދު ސޯލިހު އަށް އިހްލާސްތެރި އަދި އެމްޑީޕީއަށް ވެސް އިހްލާސްތެރި ބޭފުޅެއް ކަމަށެވެ.
އީވާ ވިދާޅުވީ އޮޑިޓް ރިޕޯޓުގައިވާ ކަންކަމަށް ނުފޫޒު ފޯރުވޭނެ ފެންވަރުގެ މީހަކު މަގާމުގައި ހުންނެވި ނަމަ ތަހުގީގު ނިމެންދެން މަގާމުން ވަކިކުރެވެން ޖެހޭނެ ކަމަށެވެ.
"ލިޔެކިޔުންތައް އޮޅުވާލާފައި އެބަހުރި، ފިނޭންސް މިނިސްޓްރީއަށް ފޮނުވި ލިޔެކިޔުންތައް އޮޅުވާލާފައި އެބަހުރި، މަޖިލީހަށް ފޮނުވި ލިޔެކިޔުން އޮޅުވާލާފައި އެބަހުރި، ރައްޔިތުންނަށް ދެއްކެވި ވާހަކާގައި ލިޔެކިޔުން އޮޅުވާލާފައި އެބަހުރި. އެހެންވީމާ ދެން ވެސް ލިޔެކިޔުން އޮޅުވާ ނުލެވޭނޭ ގޮތެއް ހަދަން މިއަށް ނުފޫޒު ފޯރުވޭނެ ގޮތެއް ހަދަން މިހާރުން މިހާރަށް ވެސް [މިނިސްޓަރު އަމީން] މަގާމުން އެކަހެރި ކުރަން ޖެހޭ." އީވާ ވިދާޅުވިއެވެ.
މި މައްސަލާގައި ބަހުސްކުރައްވަމުން ގަލޮޅު ދެކުނު ދާއިރާގެ މެމްބަރު މީކާއިލް އަހުމަދު ނަސީމް ވިދާޅުވީ މިނިސްޓަރު އަމީން ހުންނެވީ ދެ ވައްކަމެއް ކުރައްވައިގެން ކަމަށާއި މިހާރުން މިހާރަށް މަގާމުން ވަކިކުރަން ޖެހޭ ކަމަށެވެ.
ކަލޭ ވެސް ވަކިކުރަންވީ… ތީވަކި ކާކުތަ އޭ
ހެލްތު މިނިސްޓަރާ، ފިނޭންސް މިނިސްޓަރު ވަގުތުން ހައްޔަރުކޮށް ތަހްޤީޤު ފަށާ. ހުރިހާ ކުދިން ބަހާލައިގެން މިލިއަނުން މިލިއަނުން ފައިސާ ގަނޑު މަޅާލީ. ތިޔަކަމުގައި ހެލްތު، ފިނޭންސް، ރައީސް އޮފީހުގެ ޖީބަށް ފައިސާތައް އަޅާލީ. ވަގުތަކުން އަލިފާނެއް ނާރާނެ ވިއްޔަ. އަދީބެއް، ޔާމީނެއް ކިޔާނެ ކަމެއް ނެތް. ކުރަނީ އެއް ކަމެއް. ވައްކަން. ވައްކަން. ވައްކަން