ތަހްމީންގެ ދިފާއީ ހެކިތައް ބަލައިގަނެވޭނެ: ހައިކޯޓް
ރައްޔިތުން މަޖިލީހުގެ ރައީސް އަދި ކުރީގެ މުޙައްމަދު ނަޝީދު އަވަހާރަކޮށްލަން ދިން ބޮމުގެ ހަމަލާއާއި ގުޅިގެން ދައުވާ ލިބޭ ގއ. ކޮނޑޭ، ފޮޅޭމާ، ތަހުމީން އަހްމަދު ހުށަހެޅި ދިފާއީ ހެކިތައް ބަލައިގަނެވޭނެ ކަމަށް ހައިކޯޓުން ނިންމައިފިއެވެ.
ތަހުމީން އަހުމަދު ހުށަހެޅި ދެ ހެއްކެއް ބަލައިނުގަތުމަށް ކްރިމިނަލް ކޯޓުން ނިންމި ނިންމުން ބަދަލުކުރުމަށް ހައި ކޯޓުން އިއްޔެ އަމުރުކޮށްފައިިވާއިރު ކްރިމިނަލް ކޯޓުން ބަލައިނުގަތް ތަހުމީން ދެ ދިފާއީ ހެއްކަކީ، ހާދިސާ ހިނގި ތަނުގައި ނެތް ކަމުގެ ދިފާއު ބިނާ ކުރަން ހުށަހެޅި ދެ ހެއްކެކެވެ.
ތަހްމީން ދިފާއީ ހެކީގެ ގޮތުގައި ހަ ހެއްކެއް ހުށަަހަޅާފައިވަނީ އޭނާގެ ފަރާތުން މައިގަނޑު ދެ ކަމެއް ސާބިތުކޮށްދިނުމަށެވެ. އެއީ ރައީސް ނަޝީދަށް އަމާޒުކޮށް ބޮމުގެ ހަމަލާ ދިން ތަނުގައި އޭނާ ނެތް ކަން ސާބިތުކޮށްދިނުމަށާއި ގޮއްވާލި އައިޑީ ހަރުކޮށްފައިވަނީ ތަހްމީންގެ ސައިކަލެއްގައި ނޫން ކަން ސާބިތުކޮށްދިނުމަށެވެ.
ހަމަލާ ދިން ތަނުގައި ތަހްމީން ނެތް ކަން ސާބިތުކުރަން ޝަމްއޫން ރަޝީދާއި މުހައްމަދު ޒޫމާލް ޒަރީރު ހުށަހެޅުމުން ކްރިމިނަލް ކޯޓުން ވަނީ މި ދެ ހެކި ބަލައިނުގަތުމަށް ނިންމާފައެވެ.
ހައިކޯޓުގެ ހުކުމްގައި ވެސް ބުނެފައިވަނީ ތަހްމީން ބުނާ ވާހަކަތައް ގާނޫނީ އިންޒާރުގައި ހިމަނާފައި ނުވާތީ ކުށުގެ އަމަލު ހިންގި ތަނުގައި ނެތް ކަމުގެ ދިފާއު ނެގޭނެ ގޮތެއް ތަހުމީނަށް ނެތް ކަމަށެވެ. އެހެންވެ ބޮމުގެ ހަމަލާ ދިން ތަނުގައި ތަހްމީން ނެތް ކަން ސާބިތުކުރަން ހުށަހެޅި ދެ ހެކިން ބަލައިނުގަތުމަށް ކްރިމިނަލް ކޯޓުން ނިންމި ނިންމުން ހައިކޯޓުން ވަނީ ބާތިލްކޮށްފައެވެ.
