ޗައިނާ އާއި ރަޝިއާ ގުޅިގެން ޖަޕާން ކަނޑުގައި ވައިގެ އަދި ކަނޑުގެ ޑްރިލް ފަށަނީ
ޗައިނާގެ ދިފާއީ ވުޒާރާއިން ބުނީ ޖަޕާނު ކަނޑުގައި ހަރަކާތްތެރިވާ ރަޝިޔާގެ ކަނޑުގެ ސިފައިންނާއި ވައިގެ ސިފައިންނާ ގުޅުމަށް ޗައިނާގެ ކަނޑުގެ ސިފައިންގެ ފްލޮޓިލާއެއް އާދީއްތަ ދުވަހު ފުރާފައިވަނީ "ސްޓްރެޓެޖިކް ވޯޓާވޭގެ ސަލާމަތާއި ރައްކާތެރިކަން ހިމާޔަތްކުރުމަށް" ކުރިއަށް ގެންދާ އެކްސަސައިޒެއްގައި ކަމަށެވެ.
"ނޮދަން/އިންޓަރެކްޝަން-2023" ގެ ނަމުން ނަން ދީފައިވާ މި ޑްރިލްއަކީ މޮސްކޯއިން ޔޫކްރެއިންއަށް އަރައިގަތުމާ އެކު ޗައިނާ އާއި ރަޝިއާއާ ދެމެދު އަސްކަރީ ގުޅުން ބަދަހިކޮށް، އަސްކަރީ މުއާމަލާތްތައް އަލުން ފެށުމަށް އެމެރިކާއިން ގޮވާލާ ގޮވާލުންތަކަށް ބެއިޖިންއިން ދެކޮޅު ހަދަމުންދާ ދަނޑިވަޅެއްގައެވެ.
ޗައިނާގެ ފްލޯޓިލާގައި ފަސް ހަނގުރާމަމަތީ އުޅަނދާއި އުޅަނދުގައި ދަތުރުކުރާ ހަތަރު ހެލިކޮޕްޓަރު ހިމެނޭ އިރު، އިރުމަތީ ބަނދަރު ކަމަށްވާ ކިންގްޑާއޯ އިން ފުރައިގެން ރަޝިއާ ސިފައިންނާ ބައްދަލުވާނީ ކުރިން ކަނޑައެޅިފައިވާ ސަރަހައްދެއްގައި ކަމަށް އެ މިނިސްޓްރީގެ ރަސްމީ ވީޗެޓް އެކައުންޓުގައި އާދީއްތަ ދުވަހު ބުނެފައިވެ އެވެ.
ހޮނިހިރު ދުވަހު އެ މިނިސްޓްރީން ބުނީ ޖަޕާން ކަނޑުގައި ކުރިއަށްދާ މި ޑްރިލްގައި ރަޝިއާގެ ކަނޑުގެ ސިފައިންނާއި ވައިގެ ސިފައިން ބައިވެރިވާނެ ކަމަށެވެ.
އަސްކަރީ އޮބްޒާވަރުންނާ ހަވާލާދީ ދައުލަތުގެ ނޫހެއް ކަމަށްވާ ގްލޯބަލް ޓައިމްސް އިން ބުނީ މިއީ ރަޝިއާގެ ދެ ސިފައިން ވެސް މި ޑްރިލްގައި ބައިވެރިވާ ފުރަތަމަ ފަހަރު ކަމަށެވެ.
ސީ އޮފް ޖަޕާން ޑްރިލްގައި ބައިވެރިވާ ރަޝިއާގެ ދެ ހަނގުރާމަމަތީ އުޅަނދު ކަމަށްވާ ގްރޮމްކީ އާއި ސޮވާޝެންނީ ވަނީ މި މަހުގެ ކުރީކޮޅު ޝަންހާއީގައި ޗައިނާގެ ކަނޑުގެ އަސްކަރިއްޔާއާ އެކު ފޯމޭޝަން މޫވްމަންޓްސް، ކޮމިއުނިކޭޝަން އަދި ސީ ރެސްކިއުއާ ބެހޭ ގޮތުން ވަކިވަކިން ތަމްރީނުތަކެއް ކުރިއަށް ގެންގޮސްފަ އެވެ.
މާލީ މަރުކަޒު ކަމަށްވާ ޝަންހާއީގައި ބަނދަރު ހެދުމުގެ ކުރިން، ޓައިވާނާއި ޖަޕާން ހުރަސްކޮށް، ޓައިޕޭ އާއި ޓޯކިޔޯ އިން ވެސް ރަޝިއާގެ ހަނގުރާމަމަތީ އުޅަނދުތައް މޮނިޓާ ކުރަން ޖެހުނެވެ.
2022 ވަނަ އަހަރުގެ ފެބްރުއަރީ މަހު ރަޝިޔާއިން ޔޫކްރެއިނަށް އަރައިގަތުމުގެ ދުވަސްކޮޅެއް ކުރިން ރައީސް ވްލަޑިމިއާ ޕޫޓިން އާއި ޗައިނާގެ ރައީސް ޝީ ޖިންޕިން ވަނީ އެމެރިކާގެ ނުފޫޒު ހުއްޓުވުމުގެ މަގްސަދުގައި "ނޯ ލިމިޓް" ޕާޓްނާޝިޕެއް ކަމަށް ވިދާޅުވެފައެވެ.
Ads by STO
