ގްރީން ޓެކްހު ގޮތު މިދިޔަ މަހު ދައުލަތަށް 73 މިލިއަން ރުފިޔާ

ގްރީން ޓެކްހުގެ ގޮތު މިދިޔަ ނޮވެމްބަރު މަހު 73 މިލިއަނަށްވުރެ ގިނަ ރުފިޔާ ދައުލަތަށް ލިބުނު ކަމަށް ހިސާބުތަކުން ދައްކައިފި އެވެ.

Ads by STELCO

ފިނޭންސް މިނިސްޓްރީން ނެރުނު ގްރީން ފަންޑުގެ ހިސާބުތައް ބުނާ ގޮތުން އެ ފަންޑަށް މިދިޔަ ނޮވެމްބަރު މަހު 73,151,612.16 ރުފިޔާ ލިބުނެވެ. އެއީ ރިސޯޓް/ހޮޓާތަކާއި ގެސްޓްހައުސްތަކާއި ސަފާރީ އުޅަނދުތަކުން ލިބުނު ފައިސާ އެވެ.

ގްރީން ޓެކްހަށް އެންމެ ގިނައިން ފައިސާ ލިބިފައި ވަނީ މާލެ އަތޮޅުގެ ރިސޯޓްތަކުންނެވެ. މާލެ އަތޮޅުގައި ހިންގާ ރިސޯޓުތަކުން 24,365,515.20 ރުފިޔާ ލިބުނެވެ. މާލެ އަތޮޅުގެ ގެސްޓްހައުސްތަކުން 1،614،105.11 ރުފިޔާ އަދި ހޮޓާތަކުން 579،156.42 ރުފިޔާ ލިބުނެވެ.