ޓްވިޓަރގެ ލޯގޯ ބަދަލު ކުރަނީ

މީސްމީޑިއާ އެޕް، ޓްވިޓަރގެ ލޯގޯ އާދިއްތަ ދުވަހު ބަދަލުވާނެ ކަމަށް އެކުންފުނީގެ ވެރިޔާ އެލަން މަސްކް ބުނެފިއެވެ.

Ads by Sosun Fihaara

Ads by Hajj Corporation

ޓްވިޓަރގެ މިހާރުގެ ލޯގޯ އަކީ، ނޫ ކުލައިގެ ދޫންޏެކެވެ. އައު ލޯގޯ އަކީ "އެކްސް" ލޯގޯ ކަމަށް އެލަން ހާމަކޮށްފައިވެއެވެ. އަދި ފުރަތަމަ ބޭނުން ކުރާނީ ވަގުތީ ލޯގޯއެއް ކަމަށް ވެސް ބުނެފައިވެއެވެ.

އެލަން ވަނީ ލޯގޯ ފަރުމާ ކުރަން ފޭނުންނަށް ދޫކޮށްލުމަށް ފަހުގައި، ފޭނުން ފޮނުވި "އެކްސް" ޑިޒައިންތަކުގެ ތެރެއިން ޑިޒައިނެއް، ޕްރޮފައިލް ފޮޓޯއަށް ވެސް ލައިފައެވެ.

ޓްވިޓަރގެ ލޯގޯ ބަދަލު ކުރުމަކީ، 44 ބިލިއަން ޑޮލަރަށް އެލަން ޓްވިޓަރ ގަތްފަހުން، އެ އެޕަށް ގެންނަ އެންމެ ބޮޑު ބަދަލަށް ވެގެންދާނެއެވެ.