ރައީސް ޞާލިޙްގެ ރަނިންމޭޓް މިރޭ އިއުލާން ކުރާ ވާހަކަ ދޮގުކޮށްފި
އަންނަ ރިޔާސީ އިންތިޚާބުގައި ރައީސް އިބްރާހީމް މުޙައްމަދު ޞާލިޙްގެ ރަނިންމޭޓް ކަމަށް ކަނޑައަޅާ ބޭފުޅަކު މިރޭ އިއުލާން ކުރާނެ ކަމަށް ފެތުރެމުންދާ ޚަބަރު އެމްޑީޕީން ދޮގުކޮށްފިއެވެ.
އެމްޑީޕީން ފުވައްމުލަކުގައި މިރޭ ބޭއްވުމަށް ތާވަލްކޮށްފައިވާ ޖަލްސާގައި ނައިބު ރައީސެއް އިއުލާން ކުރައްވާނެ ކަމަށް ބައެއް މީޑީއާތަކުން ވަނީ ރިޕޯޓްކޮށްފައެވެ. ނަމަވެސް އެކަން އެމްޑީޕީގެ ޑެޕިއުޓީ ޗެއަރ, އިބްރާހީމް ވަހީދު (އިބްރޭ) ވަނީ ދޮގު ކުރައްވާފައެވެ.
ރައީސް ޞާލިޙް މިއަދު ފުވައްވުމަލަކަށް ކުރައްވަން އޮތް ދަތުރުފުޅު ވަނީ މާދަމާއަށް ފަސްކުރައްވާފައެވެ. ނަމަވެސް ސަބަބެއް ވިދާޅުވެފައެއް ނުވެއެވެ.
ދެކުނުގެ އަތޮޅުތަކަށް މިއަދު މޫސުން ވަނީ ގޯސްވެފައެވެ. އޭގެ އިތުރުން, މާލޭގައި ގަދަ ރޯގާއެއް މިހާރު ދަނީ ފެތުރެމުންނެވެ.
ރައީސް ޞާލިޙްގެ ރަނިންމޭޓްކަމަށް ގެންނަވާނެ ބޭފުޅަކާ ގުޅޭގޮތުން އެމްޑީޕީން ދަނީ މަޝްވަރާ ކުރަމުންނެވެ. މިހާތަނަށް އެކަމުގައި ވަކިގޮތެއް ނިންމާފައެއް ނުވެއެވެ. ނަމަވެސް އެ މަޤާމް ދެއްވާނީ މިހާރުގެ ނައިބު ރައީސް, ފައިސަލް ނަސީމަށް ކަމަށް މަޝްރަޙް ދިރާސާ ކުރައްވާ ފަރާތްތަކުން ވިދާޅުވެއެވެ.
Ads by STO
