ދަރިކަލުންގެ ޖަނާޒާއަށް، ފުއާދު އިންޑިއާއަށް

އިލެކްޝަންސް ކޮމިޝަން (އީސީ) ގެ ރައީސް ފުއާދު ތައުފީޤުގެ ދަރިކަލުން އަޙުމަދު ފުއާފުގެ ޖަނާޒާގައި ބައިވެރިވެވަޑައިގަތުމަށްޓަކައި އިންޑިއާއަށް ފުރާވަޑައިގެންފިއެވެ.

Ads by Sosun Fihaara

އެނގިފައިވާ ގޮތުގައި، ފުއާދުގެ ދަރިކަލުން، އުމުރުން 47 އަހަރުގައި ނިޔާވީ، ކިޑްނީ އާއި ފުއްޕާމޭގެ އާލާސްކަންފުޅާއި ގުޅިގެންނެވެ.

ދަރިކަލުން އާލާސްކަންފުޅާ އުޅުއްވާތީ މީގެ ދުވަސްކޮޅެއް ކުރިން ވެސް ފުއާދު އިންޑިއާގައި އެތައް ދުވަހެއް ވަންދެން މަޑު ކުރެއްވިއެވެ.

ދަރިކަލުން ނިޔާވުމުން ވެސް، ފުއާދު މިއަދު ވެސް މަސައްކަތުގައި އުޅުއްވުމުން، ހިތާމައިގެ މި ދަނޑިވަޅުގައި ވެސް ދެއްކެވި ކެތްތެރިކަމުގެ މިސާލަށް ގިނަ ބަޔަކު ތައުރީފު ކުރިއެވެ.

ދަރިކަލުންގެ ޖަނާޒާއަށް ފަހުގައި، ފުއާދު އެނބުރި ވަޑައިގަންނަވާނެ ދުވަހެއް ސާފެއް ނޫނެވެ.