‏އިޔާޒްގެ ސުވާލެއް: ޤައުމުގައި އެންމެ ނުފޯރައިގެން އުޅޭ ބަޔަކީ ފަނޑިޔާރުންތޯ؟

ކުރިޔަށް އޮތް ރިޔާސީ އިންތިހާބު ކާމިޔާބު ކުރެވިއްޖެ ނަމަ ވެރިކަަމަށް އަންނަތާ 100 ދުވަސް ތެރޭ ފަނޑިޔާރުންގެ މުސާރަ 75 ޕަސެންޓަށް ބޮޑުކޮށްދެއްވާނެ ކަމަށް ޖުމްހޫރީ ޕާޓީގެ ރިޔާސީ ކެންޑިޑޭޓް، ގާސިމް އިބްރާހިމް ވިދާޅުވުމާއި ގުޅިގެން އަދާލަތު ޕާޓީގެ އިލްމުވެރިންގެ މަޖިލީހުގެ މެމްބަރު ޑރ.މުހައްމަދު އިޔާޒު ރައްދު ދެއްވައިފިއެވެ.

Ads by Sosun Fihaara

ޖޭޕީގެ ރިޔާސީ މެނިފެސްޓޯ ލޯންޗު ކުރުމަށް ބޭއްވި ޖަލްސާގައި ވާހަކަދައްކަމުން ގާސިމް ވިދާޅުވީ ފަނޑިޔާރުންނަށް މުސާރަ އެންމެފަހުން ބޮޑުވީ އޭނާ ފިނޭންސް މިނިސްޓަރުގެ މަގާމުގައި ހުންނަވަނިކޮށް ކަމަށާއި ކޮންމެ ބޭފުޅަކު ވެސް ވެރިކަމަށް އައުމަށް އެންމެ ބޮޑަށް ދައްކާ ވާހަކައަކީ ރާއްޖޭގެ ޝަރުއީ ނިޒާމު ހައްލު ކުރުމުގެ ވާހަކަ ކަމަށެވެ.

އަދި ފަނޑިޔާރުންނަށް އެކަށީގެންވާ ގޮތެއްގައި ތަމްރީނުތައް ދެވިފައިނުވާ ކަމަށާއި ރަނގަޅު މުސާރައެއް ވެސް ނުދެވޭ ކަމަށް ގާސިމް ވިދާޅުވިއެވެ. އެހެންކަމުން ވެރިކަމަށް އައިސް ފުރަތަމަ 100 ދުވަހުގެ ތެރޭގައި ފަނޑިޔާރުންނަށް މިހާރު ލިބެމުންދާ މުސާރަ އިތުރު 75 އިންސައްތަ ބޮޑު ކުރައްވާނެ ކަމަށް ގާސިމް ވިދާޅުވިއެވެ.

މިކަމާއި ގުޅިގެން އިޔާޒު ވަނީ “ޤައުމުގައި އެންމެ ނުފޯރައިގެން އުޅޭ ބަޔަކީ ފަނޑިޔާރުންތޯ؟”ސުވާލުކޮށްފައެވެ.