އިޤްތިޞާދު ދެ ގުނަ ވެސް، އަދި ތިން ގުނަ ވެސް ކުރެވޭނީ ހަމައެކަނި ރައީސް ޞާލިޙަށް: ސިޔާމް

މި ޤަރުނުގައި ވެސް އެންމެ ޙިކުމަތްތެރި، އޯގާތެރި، މޮޅު، އަދި ވިސްނުންތޫނު ކަމާއިއެކު އިޤުތިޞާދު ކުރިއެރުވޭނީ، ރައީީސް އިބްރާހީމް މުޙައްމަދު ޞާލިޙު އަށް ކަމަށާއި އިޤްތިޞާދު ތިން ގުނަ ކުރެވޭނީ ވެސް ހަމައެކަނި އެމަނިކުފާނަށް ކަމަށް އެމްޑީއޭގެ ރައީސް އަޙްމަދު ސިޔާމް މުޙައްމަދު ވިދާޅުވެއްޖެއެވެ.

Ads by STELCO

ރޭ އެމްޑީޕީން ބޭއްވި "އުފާވެރި މާލެ" ޖަލްސާގައި ވާހަކަ ދައްކަވަމުން، ސިޔާމް ވަނީ ކޮވިޑް-19ގެ ޕެންޑެމިކް ތެރޭގައި، އެކަމުން އަރައިގަންނަން ރައީސް ޞާލިޙު ކުރެއްވި މަސައްކަތަށް އަނެއްކާވެސް ތަޢުރީފު ކުރައްވައިފައެވެ.

ރާއްޖޭގެ އިޤްތިޞާދު މިހައި ބޮޑަށް ކުރިއަރައިފައި ވުމުން، ރައްޔިތުން ދެން ވިސްނަންވީ، އިޤްތިޞާދު "ޑަބަލް" ނުވަތަ ތިން ގުނަ ކުރާނެ ގޮތެއް ކަމަށް އޭނާ ވިދާޅުވިއެވެ.

"އާދެ، އިޤްތިޞާދު ޑަބަލްވާނެ، ޓްރިޕްލް ވާނެ. އެކަން ކުރަން އަޅުގަނޑުމެންގެ ރައީސް ދަނޭ. އަދި ސީދާ ޚުދު އަޅުގަނޑުމެންނަށް އެކަން ކުރަން އެނގޭ." ސިޔާމް ވިދާޅުވިއެވެ.

އޭނާ އިތުރަށް ވިދާޅުވީ ރައީސް ޞާލިޙު ރާއްޖޭގެ އިޤްތިޞާދު ކުރިއަރުވަން، ކުރެއްވި އެންމެ މުހިންމު ކަމަކީ ހިލޭ ޑިގްރީއަށް ކިޔެވޭނެ ގޮތް ހައްދަވައިދެއްވުން ކަމަށެވެ. ޤައުމެއްގެ އިޤްތިޞާދު ކުރިއަރައި ދިޔުމަށްޓަކައި، އެ ޤައުމެއްގެ ރައްޔިތުންނަކީ ތަޢުލީމީ ގޮތުން ޤާބިލު ބަޔަކަށް ވާންޖެހޭނެ ކަމަށް ވެސް ސިޔާމް ވިދާޅުވިއެވެ.