ދެން ސާވޭ: މާލޭ ސަރަހައްދުން ވެސް މިފަހަރު ބޮޑުފަޅި ޑރ.މުޢިއްޒަށް
"ދެން އޮންލައިން" އިން މާލޭ ސަރަހައްދުގައި ނެގި ސާވޭއިން އިން މުއިއްޒު ކުރި ހޯދައިފިއެވެ.
މި ސާވޭ ކުރިޔަށް ގެންގޮސްފައިވަނީ މާލޭގެ އިތުރުން ހުޅުމާލެ, ވިލިނގިލީގައެވެ. ސާވޭގައި ޖުމްލަ 2905 މީހުންނާ ވަނީ ވަކި ވަކިން ސުވާލު ކުރެވިފައެވެ. މި ސާވޭގައި މާލޭގެ މީހުންގެ އިތުރުން މާލޭގައި ދިރިއުޅޭ އަތޮޅު ތެރޭގެ ރައްޔިތުންގެ ޚިޔާލު ވެސް ވަނީ ހިމަނާފައެވެ.
އޭގެ ތެރެއިން 236 މީހަކު އެކި ސަބަބުތަކާހުރެ ސާވޭގައި ބައިވެރިވާން ވަނީ ދެކޮޅު ހަދާފައެވެ. ސާވޭގައި ބައިވެރިވި މީހުންގެ ތެރެއިން 158 މީހަކު ބުނެފައިވަނީ މިއަހަރުގެ ރިޔާސީ އިންތިޚާބުގައި ވޯޓް ނުލާން ނިންމާފައިވާ ކަމަށެވެ. ވޯޓްލާނެ ކަމަށް ބުނެ, ސާވޭގައި ބައިވެރިވެފައިވަނީ 2511 މީހުންނެވެ.
ސާވޭގެ ޖުމްލަ ނަތީޖާ ލި ލިންކުން ލިބިވަޑައިގަންނަވާނެއެވެ.
މާލޭ ސަރަހައްދުގެ ނަތީޖާ
ސާވޭގައި އެންމެ ކުރީގައި އުޅެނީ ޕީއެންސީގެ ކެނޑިޑޭޓް ޑރ. މުއިއްޒެވެ. މުއިއްޒު ވަނީ 986 މީހުންގެ ތާއީދާއެކު (39.26 އިންސައްތަ) ކާމިޔާބު ކުރައްވާފައެވެ. ޖެހިގެން އޮތީ އެމްޑީޕީގެ ކެނޑިޑޭޓް ރައީސް އިބްރާހީމް މުޙައްމަދު ޞާލިޙެވެ. ރައީސް ޞާލިޙަށް އެރަށުން ލިބިވަޑައިގަތީ 903 މީހުންގެ ތާއީދެވެ. އެއީ 35.96 އިންސައްތައެވެ. ތިން ވަނައިގައި 8.67 އިންސައްތަ (217 މީހުންނާއެކު) އޮތީ ޖުމްހޫރީ ޕާޓީގެ ޤާސިމް އިބްރާހީމެވެ. ހަތަރު ވަނައިގައި އޮތީ ޑިމޮކްރެޓްސްގެ އިލްޔާސް ލަބީބެވެ. އެމަނިކުފާނަށް 159 މީހަކު ތާއީދު ކުރެއްވިއިރު, އެއީ ސާވޭގައި ބައިވެރިވި މީހުންގެ ތެރެއިން 6.33 އިންސައްތައެވެ. އެމްއެންޕީފެ ނާޒިމަށް ލިބިވަޑައިގަތީ 5.42 އިންސައްތައެވެ. ފާރިސްއަށް 2.23 އިންސައްތަ ލިބިވަޑައިގަތްއިރު, އުމަރު ނަސީރަށް 1.55 އިންސައްތަ ލިބިވަޑައިގަތެވެ. ފުލުގައި އޮތީ 0.60 އިންސައްތައާއެކު ޒަމީލެވެ.
މާލެ
ހުޅުމާލެ ފޭސް 1
ހުޅުމާލެ ފޭސް 2
ވިލިނގިލި
އަމިއްލަ ކެންޑިޑޭޓުންގެ ގޮތުގައި ނިކުމެގެން މިއުޅޭ މީހުންނަކީ ކޮންބޭނުމެއްގައި ނިކުމެގެން އުޅޭ ބައެއްކަން މިހާރު ރައްތިތުންނަށް އެނގޭނެ. މައުމޫނުގެ ވެރިކަމުގައި އުނގުޅޭ ކިޔާމީހަކު ވާދަކުރަން ނިކުތީމާ އޭނާގެންގޮސްލީ ޖަލަށް.