ޕީޕީއެމް-ޕީއެންސީގެ ޕޯޑިއަމްގައި ނާޒިމް: މި އައީ ރައީސް ޞާލިޙު ބަލި ކުރަން

ޕީޕީއެމް/ޕީއެންސީގެ ރިޔާސީ ކެމްޕެއިނާއި ގުޅިވަޑައިގެން، "މި އައީ ރައީސް އިބްރާހީމް މުޙައްމަދު ޞާލިޙު ބަލި ކުރަން ކަމަށް އެމްއެންޕީގެ ރައީީސް މުޙައްމަދު ނާޒިމް ވިދާޅުވެއްޖެއެވެ.
ޕީއެންސީގެ ރިޔާސީ ކެންޑިޑޭޓް، ޑރ.މުޙައްމަދު މުޢިއްޒު މިރޭ ވަނީ ހުޅުމާލޭގައި ޖަލްސާއެއް ބާއްވަވައިފައެވެ. ޕީޕީއެމް-ޕީއެންސީ އާއިއެކުގައި ކޯލިޝަން ހައްދަވައި، މި ޖަލްސާގައި ބައިވެރިވެވަޑައިގެން، އެ ޕާޓީގެ ފަރާތުން ކިޔާފައިވާ މަރުޙަބާއަށް ނާޒިމް ޝުކުރު އަދާކުރެއްވިއެވެ. ނާޒިމް ވިދާޅުވި ގޮތުގައި، އޭނާ ސިޔާސީ މަސައްކަތް ފެއްޓެވީ ޕީޕީއެމުން ކަމުގައިވާއިރު، އެ ޕާޓީއާއި ދުރުގައި ހުންނެވިޔަސް، ހިތުގައި ޕާޓީއަށްޓަކައި އަބަދު ވެސް ލޯބި އޮތް ކަމަށެވެ. ޕީޕީއެމް-ޕީއެންސީގެ މެނިފެސްޓޯ ބެއްލެވިއިރު، އެމްއެންޕީގެ ސިޔާސަތުތަކާއި އެއްގޮތްކަން ފާހަގަކުރައްވައި ނާޒިމް ވިދާޅުވީ، ޕީޕީއެމްގެ ކޯލިޝަނާއެކުގައި މަސައްކަތް ކުރަން ވަރަށް ފަސޭހަވާނެ ކަމަށް ބެލެވޭ ކަމަށެވެ. އޭނާ ވިދާޅުވީ، ރައީސް ޞާލިޙު ބަލި ކުރައްވާނެ ކަމަށެވެ."އަޅުގަނޑުމެންނަށް ބަލި ކުރެވޭނީ، ބަލި ކުރެވޭނެބާ؟ މިތަނުގައި މިއޮތް ލަޝްކަރަށް ބަލާލީމާ، އަޅުގަނޑުގެ ހިތަކު ޝައްކެއް ނުއުފެދޭ." އޭނާ ވިދާޅުވިއެވެ.އެމްއެންޕީގެ ފަރާތުން، ރިޔާސީ އިންތިޚާބުގައި ވާދަކުރެއްވި ނާޒިމް އިތުރަށް ވިދާޅުވީ، ސަރުކާރުން ފައިސާ ބަހަމުންދާއިރު ވެސް، ޕީޕީއެމްގެ މެމްބަރުން، ޤައުމު އިސްކޮށް ދައްކަމުން އަންނަ ސާބިތު ކަމަށް ތަޢުރީފު ކުރައްވާ ކަމަށެވެ. ނާޒިމް ވަނީ ޕީޕީއެމްގެ ފިކުރުގެ މީހުން އިތުރު ޖޯޝެއްގައި ރިޔާސީ އިންތިޚާބު ކާމިޔާބު ކުރުމަށް ކަމަށް ވިދާޅުވެފައެވެ. އޭނާ އިތުރަށް ވިދާޅުވީ، ދިވެހީންނަށް މިއަދު އަމިއްލަ ބަސް ބުނުމުގެ އެއްވެސް ބާރެއް ނެތް ކަމަށާއި، ޤައުމު އަޅުވެތިވެފައިވާ ކަމަށެވެ.



.jpg)
.jpeg)

ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.