Sunday, 15 November 2026
Advertisement
Ooredoo — Article-Top (leaderboard)
ޚަބަރު

އަމިއްލަ ޤައުމުގެ ކަންކަމަށް ބަސް ބުނުމުގެ ބާރެއް ނެތް: ނާޒިމް

އަމިއްލަ ޤައުމުގެ ކަންކަމަށް ބަސް ބުނުމުގެ ބާރެއް ނެތް: ނާޒިމް

ދިވެހި ޤައުމުގެ ކަންކަމަށް ބަސްބުނުމުގެ ބާރުވެރިކަން އޮތީ އެހެން ޤައުމެއްގެ މައްޗަށް ދޫކޮށްލާފައި ކަމަށް، ޕީޕީއެމް-ޕީއެންސީއާއި އެކުގައި ކޯލިޝަން ހަދާފައިވާ މޯލްޑިވްްސް ނޭޝަނަލް ޕާޓީ(އެމްއެންޕީ)ގެ ރައީސް ކާނަލް ރިޓަޔާޑް މުޙަމަދު ނާޒިމް ވިދާޅުވެއްޖެއެވެ.

ރިޔާސީ އިންތިޚާބުގެ ދެވަނަ ބުރުގެ ކެމްޕޭންގައި، އަވަށްޓެރި ސްރީލަންކާގައި ދިރިއުޅޭ ދިވެހި ރައްޔިތުންނާއިއެކު ރޭ ބޭއްވި ބައްދަލުވުމުގައި ނާޒިމަ ވިދާޅުވީ އަންނަ ހޮނިހިރު ދުވަހު ވޯޓު ފޮއްޓާއި ހަމައަށް ދާއިރު ރައްޔިތުންގެ އެންމެ ބޮޑު ކަންބޮޑުވުމަކީ މިނިވަންކަމާއިމެދު އޮތް ސުވާލުތައް ކަމަށެވެ.

އިންޑިއާގެ ސިފައިން އެކި ކަންކަމުގައި ރާއްޖޭގެ އެތައް ތަނެއްގައި ތިބިއިރު، މުޅި ޤައުމުގެ އިޤްތިޞާދުވެސް އިންޑިއާއަށް އެކި ބަރޯސާ ވެފައި އޮތް ކަމަށް ވެސް ކުރީގެ ދިފާޢީ ވަޒީރު ވިދާޅުވިއެވެ.

Advertisement
Ooredoo — Truecaller (box)

މިކަންކަމުން އަރައިގަނެ ރާއްޖެ ހެޔޮ މިސްރާބަކަށް މިނިވަންކަމުގެ މަންޒިލަކަށް ދެވޭ ވޯޓަކަށް 30 ވަނަ ދުވަހު ލާ ވޯޓު ހަދަންޖެހޭ ކަމަށް ނާޒިމް ވިދާޅުވިއެވެ.

އޭނާ އިތުރަށް ވިދާޅުވީ، އެތައް ރަށަކަށް ކެމްޕެއިން ތެރޭގައި ޒިޔާރާާތް ކުރެވުނުއިރު، ރައްޔިތުން ތިބި ހާލަތު ފެނިވަޑައިގެންނެވި ކަމަށާއި، އެއީ ވަރަށް ނިކަމެތި ހާލަތެއް ކަމަށެވެ.

އެހާލަތު ބަދަލު ކުރުމަށް މިސަރުކާރުން ކުރި ހަމަ އެއްވެސް ކަމެއް ނެތްކަމަށާއި، ރައްޔިތުންގެ ހާލަތު ބަދަލު ކުރެވޭނީ ރާއްޖޭގެ ރައްޔިތުންނަށް އިސްކަންދޭ ވެރިކަމެއް ގެނެސްގެން ކަމަށް ނާޒިމް ވިދާޅުވިއެވެ.

 

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.