އަމީން އާއި ހެލްތު މިނިސްޓްރީގެ އިސް ބޭފުޅުން މާދަމާ މަޖިލީހަށް ހާޒިރު ކުރަނީ

އެ ބައްދަލުވުން ބޭއްވުމަށް ހަމަޖެހިފައި ވަނީ މާދަމާ 11:00 ގައި ރައްއިތުންގެ މަޖިލީހުގެ އިދާރާގައެވެ. މާލިއްޔަތު ކޮމިޓީގެ ބައްދަލު ވުމަށް މައުލޫމާތު ދެއްވުމަށް އަމީންގެ އިތުރުން މިނިސްޓްރީގެ އިސް މަގާމުތަކުގައި ތިއްބެވި ބޭފުޅުންވެސް މަޖީލަށް ހާޒިރުވެ ވަޑައިގަންނަވާނެ އެވެ.

އޮޑިޓާ ޖެނެރަލް އޮފީހުން އާންމުކޮށްފައިވާ ހެލްތު މިނިސްޓްރީގެ ކޮވިޑް-19 ކޮމްޕްލަޔަންސް އޮޑިޓުން ކޮރަޕްޝަނަށް ތުހުމަތުވާ ގޮތަށް އެތައް މިލިއަން ރުފިޔާއެއް ހަރަދު ކޮށްފައިވާކަން ވަނީ ފެންމަތިކޮށްފައެވެ. އެގޮތުން އެންމެ ބޮޑަށް އޮޅުވާލާފައި ވަނީ ދުބާއީ ކުންފުންޏަކާ ހަވާލުކޮށްގެން 75 ވެންޓިލޭޓަރު ގަތުމުގައި ކަމަށް އޮޑިޓް ރިޕޯޓުގައި ބުނެއެވެ.

އެ އޮޑިޓް ރިޕޯޓުން ފެންމަތި ކުރި މައްސަލަތައް ބަލަން މީގެ ކުރިން މާލިއްޔަތު ކޮމިޓީއިން ވަނީ ނިންމައިފައެވެ.