ޓިކްޓޮކް ކުޅުން ހުއްޓާލި ދިވެހި ކަނބަލެއް: އެކަން ހުއްޓާލީ ދުނިޔޭ މަތީގައި މަޝްހޫރުކަން ލިބުނަސް، އާޚިރަތުގައި ފައިދާއެއް ނުކުރާތީ
ޓިކްޓޮކަކީ ރާއްޖޭގައި ވެސް ވަރަށް މަޝްހޫރު ސޯޝަލް މީޑިއާގެ މަންސައެކެވެ. ރާއްޖޭގައިވެސް ޓިކްޓޮކް ބޭނުން ކުރާ އެތައް ދިވެހިންނެއް އުޅޭއިރު، އެމީހުންގެ ނެށުންތަކާއި އެކި ހަރަކާތްތަކުން އެމީހުން ވަނީ ބޮޑު މަގުބޫލު ކަމެއް ހޯދާފައެވެ.
މިއީ ވެސް މިފަދަ ކުއްޖެއްގެ ވާހަކައެވެ. ޓިކްޓޮކް ކުޅެގެން ދިވެހިންގެ މެދުގައި ބޮޑު މަގުބޫލުކަމެއް ހޯދި ދިވެހި އަންހެން ކުއްޖެއްގެ ވާހަކައެވެ. އެތައް ހާސް ފޮލޮވަރުންނާއި ލައިކެއް ލިބި ބޮޑު މަޝްހޫރުކަމެއް ލިބުނު ނަމަވެސް މި ކުއްޖާ މިހާރު ވަނީ ޓިކްޓޮކް ކުޅުން ހުއްޓާލާފައެވެ. މި ކުއްޖާ ވަނީ ޓިކްޓޮކް ކުޅުން ހުއްޓާލި ސަބަބު އޭނާގެ އިންސްޓަގްރާމްގައި ހިއްސާކޮށްފައެވެ.
ޓިކްޓޮކް އެޕްލިކޭޝަނާ ދުރުވެ، ކުރިން ކުޅެފައިވާ ވީޑިއޯތައް ޑިލީޓް ކޮށްފައި ވުމާއެކު "ދެން" އިން މިކުއްޖާގެ ނަން ހާމަ ނުކުރަން ވަނީ ނިންމާފައެވެ.
މި ކުއްޖާ ބުނި ގޮތުގައި ޓިކްޓޮކް ކުޅުމަކީ އޭގެއިން ފައިދާއެއް ނުވާ ބޭކާރު ކަމެކެވެ. އަދި އެކަމުގައި ބޭކާރު ވަނީ ވަގުތު އެކަނި ނޫން ކަމަށާއި ހަކަތަ ވެސް ބޭކާރުވާ ކަމަށް އޭނާ ވަނީ ބުނެފައެވެ.
އަދި ޓިކްޓޮކް ކުޅެގެން ދުނިޔެ މަތީގައި ކިތަންމެ ސަޕޯޓެއް ލިބުނު ނަމަވެސް މަރުވުމަށް ފަހު އެކަމުން ވާ ފައިދާއެއް ނޯންނާނެ ކަން ވެސް އޭނާ ފާހަގަ ކުރިއެވެ.
"ޓިކްޓޮކް ކުޅެގެން ސަވާބެއް ލިބެނީ އެއް ނޫން، އަޒާބު ލިބުން ނޫން ކަމެއް ނެތް. ސުވަރުގެ ލިބުމެއް ނެތް. ދުނިޔެމަތީ ކިތަންމެ މަޝްހޫރު ވިޔަސް، ކިތަންމެ ބައެއްގެ ލޯބި ލިބުނަސް، މަރުވުމަށް ފަހު އޭގެން ވާ އެއްވެސް ފައިދާއެއް ނެތް" ޓިކްޓޮކް ހުއްޓާލި ސަބަބާ ގުޅޭ ގޮތުން ވާހަކަދައްކަމުން އެ އަންހެން ކުއްޖާ ބުނެފައިވެއެވެ.
މީގެ އިތުރުން އެކުއްޖާ ބުނީ މަރުވުމަށްފަހު ގެންދެވޭނީ ހަމައެކަނި ކޮށްފައިވާ ހެޔޮ ކަންކަން ކަމަށާއި އެހެން ކަމުން ގިނަ ވަގުތު ބޭކާރު ޓިކްޓޮކް ބެލުމުގެ ބަދަލުގައި ހެޔޮ ކަންކަން ކުރަން ހޭދަކުރަން ޖެހޭ ކަމަށެވެ. އަދި ޓިކްޓޮކް ބެލުމުގައި ހޭދަކުރާ ވަގުތުގައި ޤުރުއާން ނުވަތަ ޒިކުރުތައް ކިޔުމަށް ހޭދަކޮށް ހެޔޮ އަމަލު ގިނަ ކުރުމަށް އެކުއްޖާ ވަނީ އެދިފައެވެ.
ﷲ ކޮއްކޮއަށް ﷲ ހެޔޮ ރަހުމަތް ލައްވާށި…
އާމީން
ސާބިތުކަން ދެއްވާށި
مَا شَاءَ ٱللَّٰهُ
މާތްﷲ ތިބާ އަށް ހެޔޮ ރަހުމަތް ލައްވާެެށިއެވެެ.
އޭނަ ހުއްޓާލިޔަސް ނިމް އަދިވެސް ޓީ ޖަންގިޔާގަ ޓިކްޓޮކް ކުޅޭނަން . މީހަކު ެކިޔާނެ އެއްޗެއް ކިޔަސް ނިމް އަށް ހެޔޮ.
ޙެޔޮމަގުު ދެއްކެވީތީީ އާމީން
مَا شَاءَ ٱللَّٰهُ
މާތްﷲ ތިބާ އަށް ހެޔޮ ރަހުމަތް ލައްވާެެށިއެވެެ.