ސިޔާސީ މަސައްކަތުގައި އެއްގޮތަކަށް ދިގުމުއްދަތަކަށް ސާބިތުވެ ހުރުމަކީ ބޮޑުކަމެއް: އިމްރާން

ސިޔާސީ މަސައްކަތުގައި އެއްވާނެއްގައި، އެއްގޮތެއްގައި ދިގުމުއްދަތަކަށް ސާބިތުވެ ހުރުމަކީ ވަރަށް ބޮޑު ކަމެއްކަމަށް އަދާލަތު ޕާޓީގެ ރައީސް އަދި ހޯމް މިނިސްޓަރު އިމްރާން ވިދާޅުވެއްޖެއެވެ.

އިމްރާން އެކްސްގައި ކުރެއްވި ޕޯސްޓެއްގައި ވިދާޅުވީ ސާބިތުކަމާއެކު އެއްގޮތަކަށް ހުންނެވުމަކީ ވަރަށް ބޮޑު ކަމެއްކަމަށާއި، ވޭތުވެދިޔަ ދިގު މުއްދަތެއްގައި އަދާލަތު ޕާޓީއާއެކު ސާބިތުކަމާއެކު ދެމި ތިއްބެވި ހުރިހާ ބޭފުޅުންނަށް ޝުކުރު ދަންނަވާކަމަށެވެ.

https://twitter.com/shimranab/status/1709874378937430399?s=46

އިމްރާންގެ ސިޔާސީ ހަޔާތްޕުޅު ފަށްޓަވާފައިވަނީ 2006 ވަނަ އަހަރު އަދާލަތު ޕާޓީގެ އުފެއްދެވުމާ ހަމައިންކަމަށްވާއިރު އެބޭފުޅާ ވަނީ އަދާލަތު ޕާޓީ ވުޖޫދު ކުރެވުނު ހިސާބުން ފެށިގެން 2011 ވަނަ އަހަރާ ހަމައަށް އެޕާޓީގެ ސެކްރެޓަރީ ޖެނެރަލްގެ މަގާމު ފުރުއްވައިފައެވެ.

އަދި 2011 ވަނަ އަހަރު އެޕާޓީގެ ރައީސްގެ މަގާމަށް އިންތިޚާބު ވެވަޑައިގަތުމަށްފަހު މިއަދާ ހަމައަށް އެގެންދަވަނީ ޕާޓީގެ ރައީސްގެ މަޤާމު އަދާކުރައްވަމުންނެވެ.