ކުޅުދުއްފުށީ އެއާޕޯޓުގައި އެއްޗެއް ގޮވައި ބަޔަކަށް ސީރިއަސް އަނިޔާތަކެއް

ކުޅުދުއްފުށީ އެއާޕޯޓުގައި އެއްޗެއް ގޮވައި ބަޔަކަށް ސީރިއަށް އަނިޔާތަކެއް ލިބިއްޖެއެވެ.

Ads by STELCO

ފުލުހުން ވިދާޅުވި ގޮތުގައި ކުޅުދުއްފުށީ ސިޓީ އެއާޕޯޓުގައި ބޭނުންކުރާ ސިލިންޑަރެއް ރީފިލްކުރަން އުޅުމުގެ ތެރޭގައި އެ ސިލިންޑަރު ގޮވައި ބަޔަކަށް އަނިޔާވިކަމުގެ ރިޕޯޓު ފުލުހުންނަށް ލިބިފައިވަނީ މިއަދު 11:45 ހާއިރުގައެވެ.

ހާދިސާ ހިނގި ސަރަހައްދުގައި ފުލުހުން މިހާރު ދަނީ ހަރަކާތްތެރިވަމުންނެވެ. އަނިޔާވި މީހުންގެ ތެރޭގައި 3 ފިރިހެނުންނާއި އަންހެނަކު ހިމެނޭއިރު އެތަނުން އެކަކުގެ ހާލު ސީރިއަސްކަމަށް ކުޅުދުއްފުށީ ސިޓީ ހޮސްޕިޓަލުން މަޢުލޫމާތުދެއްވައެވެ. ހާލު ސީރިއަސްވެ ތިއޭޓަރުގައި ފަރުވާދެމުން ގެންދަނީ 37 އަހަރުގެ ފިރިހެނަކަށްކަމަށްވެއެވެ.