ކޮންމެ ސަރުކާރަކާ އެއްކޮށް ކޮންމެ ކުންފުންޏެއްގެ މަތި އެއްކޮށް ބަދަލުވާކަށް ނުޖެހޭނެ: އަސްލަމް
ކޮންމެ ސަރުކާރަކާ އެއްކޮށް ކޮންމެ ކުންފުންޏެއްގެ މަތި އެއްކޮށް ބަދަލުވާކަށް ނުޖެހޭނެކަމަށް ހިތަދޫ އުތުރު ދާއިރާގެ މެމްބަރު މުޙައްމަދު އަސްލަމް ވިދާޅުވެއްޖެއެވެ.
ސަަރުކާރުތަކުން އިންތިޚާބުތަކަށް ނުފޫޒުފޯރުވުން ހުއްޓައިލަން ގޮވާލައި މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ ހުށަަހެޅުއްވި ޤަރާރެއްގެ ބަހުސްގައި ވާހަކަފުޅު ދައްކަވަމުން އަސްލަމް ވިދާޅުވީ ސަރުކާރު ބަދަލުވާ ކޮންމެ ފަހަރަކު ދައުލަތުގެ ހުރިހައި ކުންފުންޏެއްގެ މުވައްޒަފުން ބަދަލުވާން ނުޖެހޭކަމަށެވެ.
"ސަރުކާރުގެ ކުންފުނިތައް ހިންގަން ތިބެން ޖެހޭނީ ހަރުދަނާ، ކުންފުނިތައް ހިންގޭ ވަރުގެ ގާބިލު މީހުން. ކޮންމެ ސަރުކާރަކާ އެއްކޮށް ކޮންމެ ކުންފުންޏެއްގެ މަތި އެއްކޮށް ބަދަލުވާކަށް ނުވެސް ޖެހޭނެ އިނގޭތޯ،" އަސްލަމް ވިދާޅުވިއެވެ.
މިދިޔަ މާޗްމަހު ހުށަހެޅި އެ ގަރާރުގެ ބަހުސް މިއަދު ކުރިއަށް ގެންދިޔަ އިރު ފެނަކަ ކޯޕަރޭޝަނުން އާންމު ވިޔަފާރިތަކަށް ދައްކަން ޖެހޭ ފައިސާ ދައްކަން ގޮވައިލާ ޤަރާރެއް ވެސް މަޖިލީހުގައި އޮތްއިރު، އިންތިޚާބުތަކަށް ނުފޫޒު ފޯރުވުން ހުއްޓައިލަން ގޮވައިލައި ޤަރާރުގެ ބަހުސްގައި ވެސް މެމްބަރުންގެ ތުހުމަތުތައް އެންމެ ބޮޑަށް އަމާޒުކުރެއްވީ ފެނަކަ ކޯޕަރޭޝަނަށެވެ.
ފެނަކަ ކޯޕަރޭޝަނަށް ކުރާ ތުޙުމަތުތަކަށް ރައްދު ދެއްވަމުން އަސްލަމް ވިދާޅުވީ ސަރުކާރުގެ ކުންފުނިތައް ހަރުދަނާ ކުރަންޖެހޭ ކަމަށާއި އެގޮތުން ސަރުކާރުތަކާއި އެކު ކުންފުނިތައް ބަދަލުވާން ނުޖެހޭ ގޮތަށް ބޭއްވުމަކީ ކުންފުނިތައް ހަރުދަނާކުރަން ކުރެވިދާނެކަމެއްކަމަށެވެ.
ހަމައެއާއެކު، އެކަން އެގޮތަށް ކުރެވޭނީ ޤާބިލުކަމަށް ބަލައިގެން ރަނގަޅު މީހުން ކުންފުނިތަކަށް ލައިގެން ކަމަށް ވެސް އަސްލަމް ވިދާޅުވިއެެވެ.
ހަރުދަނާ ކުރުމުގެ ވާހަކަ ނުދައްކާ އަތްބޭނީ ހުރިހާ ތނަކަށް ޝަރުޢީ ކޯޓްތަކަށާއި މިނިވަން މުއައްސަސާތަކަށް އތްބޭނީ ފަނޑިޔާރުގެ އިސްލާހު ކުރުމުގެ ބަދަލުގަ އެތަން ސޔާސީ އައްޑާއަކަށް ހެދީ