ތިނަދޫ ސިޓީގެ ގެއެއްގައި އަލިފާނުގެ ހާދިސާއެއް ހިނގައިފި

ގދ. ތިނަދޫ ގެއެއްގައި އަލިފާނުގެ ހާދިސާއެއް ހިނގައި ބޮޑެތި ގެއްލުންތަކެއް ލިބިއްޖެއެވެ.

މަޢުލޫމާތު ލިބިފައިވާ ގޮތުގައި، މި އަލިފާނުގެ ހާދިސާ ހިނގާފައި ވަނީ އެ ރަށު "ފެއިތު" ނަމަކަށް ކިޔާ ގެއެއްގައެވެ.

އަދި އެ ގެއަކީ ބިދޭސީން ދިރިއުޅޭ ގެއެއް ކަމަށް ވެސް އެނގިފައިވެއެވެ.

ހާދިސާ ހިނގިއިރު، އެ ގޭގައި އެއްވެސް މީހަކު ނެތުމުން، މި ހާދިސާގައި އެއްވެސް މީހަކަށް އަނިޔާއެއް ނުވެއެވެ.

އެހެންނަމަވެސް ހާދިސާ ހިނގި ގެ ވަރަށް ބޮޑަށް އަނދައި ބޮޑެތި ގެއްލުންތައް ވެފައިވާ ކަމަށް މައުލޫމާތު ލިބެއެވެ.

އެ ގޭގައި އަލިފާން ރޯވާން ދިމާވި ސަބަބެއް އަދި އެނގިފައެއް ނުވެއެވެ.