Tuesday, 17 November 2026
Advertisement
Ooredoo — Article-Top (leaderboard)
ރައްޔިތުންގެ މަޖިލިސް

ރައީސް ނަޝީދުގެ މައްސަލައިގައި ސްޕުރީމް ކޯޓުގެ ނިންމުމަށް އެމްޑީޕީން އިހްތިރާމް ކުރާނެ: ބިގޭ

ރައީސް ނަޝީދުގެ މައްސަލައިގައި ސްޕުރީމް ކޯޓުގެ ނިންމުމަށް އެމްޑީޕީން އިހްތިރާމް ކުރާނެ: ބިގޭ

ކުރީގެ ރައީސް އަދި ރައްޔިތުންގެ މަޖިލީހުގެ ރައީސް، މުޙައްމަދު ނަޝީދުގެ އިތުބާރު ނެތްކަމުގެ މައްސަލައިގައި ސްޕުރީމް ކޯޓުގެ ނިންމުމަށް އެމްޑީޕީން އިހްތިރާމް ކުރާނެ ކަމަށް އަލިފުށި ދާއިރާގެ މެމްބަރު މުހައްމަދު ރަޝީދު (ބިގޭ) ވިދާޅުވެއްޖެއެވެ.

އަލިފުށި ދާއިރާގެ މެމްބަރު ބިގޭ މިހެން ވިދާޅުވީ ރާއްޖެ ޓީވީ ޕްރޮގުރާމެއްގައި ރޭ ވާހަކަ ދައްކަވަމުންނެވެ.

އެގޮތުން ބިގޭ ވިދާޅުވީ ރައީސް ނަޝީދުގެ އިތުބާރު ނެތްކަމުގެ މައްސަލަ މަޖިލީހުގައި ކުރިއަށް ގެންދެވޭނެ ގޮތެއް ހޯދަން އެމްޑީޕީން ސްޕުރީމް ކޯޓަށް ހުށައެޅީ އިންތިޚާބީ ރައީސް ހުވާކުރަން ޖެހޭ ތާރީޚުގައި ހުވާކުރެވޭނެ ގޮތަށް މަގުފަހި ކުރުމަށް ކަމަށް އޭނާ ވިދާޅުވިއެވެ.

Advertisement
Ooredoo — Truecaller (box)

އެމްޑީޕީން އެ މައްސަލަ ސްޕްރީމް ކޯޓަށް ހުށަހަޅައިގެން މަސައްކަތް ކުރަމުން ދަނީ 17 ނޮވެމްބަރުގެ ކުރިން އެ މައްސަލައަށް ހައްލެއް ލިބޭތޯ ކަމަށް ބިގޭ ވަނީ ވިދާޅުވެފައެވެ.

ރައްޔިތުންގެ މަޖިލީހަކީ ދައުލަތުގެ މުހިންމު އެއް ބާރު ކަމަށްވާއިރު އެ ބާރު އޮތީ ވަކިބަޔެއްގެ އަމިއްލަ މަސްލަހަތު އިސްކުރުމުގެ ސަބަބުން "ހިޞާރު" ވެފައި ކަމަށް ބިގޭ ވަނީ ފާހަގަކުރައްވާފައެވެ.

ބިގޭ ވިދާޅުވީ ރައީސް ނަޝީދުގެ މައްސަލައިގައި ސްޕުރީމް ކޯޓުން ކޮންމެ ނިންމުމެއް ނިންމި ނަމަވެސް އެމްޑީޕީން އެ ނިންމުމަށް ފާޑެއް ނުކިޔާނެ ކަމަށާއި އެ ޕާޓީން އެ ނިންމުމަށް އިހްތިރާމް ކުރާނެ ކަމަށެވެ.

މީގެ އިތުރުން ރައީސުލްޖުމްހޫރިއްޔާ އިބްރާހިމް މުހައްމަދު ސާލިޙުގެ އެދިވަޑައިގަތުމާއެކު އެމްޑީޕީގެ ވިސްނުމަކީ އިންތިޚާބީ ރައީސް ޑރ. މުހައްމަދު މުޢިއްޒުގެ ސަރުކާރަށް އެންމެ ފުޅާ ދާއިރާއެއްގައި އެއްބާރުލުން ދިނުން ކަމަށް ބިގޭ ވަނީ ފާހަގަކުރައްވާފައެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.