ވެރިކަން ދަމަހައްޓަން ކުރަންޖެހޭ މަސައްކަތުގައި ސާބިޔުވެ ހުރިން: ފަޒުލް
ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ ވެރިކަން ދެމެހެއްޓުމަށް ކުރަންޖެހޭ މަސައްކަތްތައް ކުރުމުގައި ސާބިތުވެ ހުންނެވި ކަމަށް ޕީއެންސީގެ ޕީޖީ ލީޑަރު، އިބްރާހީމް ފަޒުލް ރަޝީދު(ޓޮމް) ވިދާޅުވެއްޖެއެވެ.
ޕީޕީއެމްގެ ރައީސް، ޔާމީން ޢަބްދުލްޤައްޔޫމް، އެ ޕާޓީ ދޫކުރައްވައި، އައު ސިޔާސީ ޕާޓީއެއް އުފައްދަވަން މަސައްކަތް ފަށްޓަވައިފައިވާ މި ދަނޑިވަޅުގައި ފަޒުލް އެކްސްގައި ކުރެއްވި ޕޯސްޓެއްގައި ވިދާޅުވީ، ރައީސް މުޢިއްޒުގެ ވެރިކަން ގެނައުމަށް، ވެހުނު ވާރެއާއި ދިންހައި އަތްވެއްގައި، ރެޔާއި ދުވާލު، ރާއްޖޭގެ އުތުރާއި ދެކުނުގައި ހުއްޓުމެއް ނެތި މަސައްކަތް ކުރި ފަދައިން، ވެރިކަން ދަމަހައްޓަން ކުރަންޖެހޭ މަސައްކަތްތައް ކުރުމުގައި ސާބިތުވެ ހުންނެވި ކަމަށެވެ.
ރައީސް ޔާމީން ޕީޕީއެމް ދޫކުރައްވައިފައިވަނީ، އައު ސަރުކާރަށް ހަފްތާއެއް ނުވަނީހެވެ. މި ދަނޑިވަޅުގައި، ޕީޕީއެމް އާއި ޕީއެންސީގެ އިސް ސަފުގައި ތިއްބެވި މެމްބަރުން އަންނަނީ ރައީސް ޑރ.މުޙައްމަދު މުޢިއްޒު އާއި އެކުގައި ސާބިތުވެ ހުންނެވި ކަމަށް ބުނަމުންނެވެ.
Ads by STO
