Tuesday, 17 November 2026
Advertisement
MWSC — SmartMeter (leaderboard)
ޚަބަރު

ގިސްލަމުން ޑރ. ޖަމީލު ވިދާޅުވީ ރައީސް ޔާމީން ހުންނެވީ ގިނިކަންޏާ ކަމަށް

ގިސްލަމުން ޑރ. ޖަމީލު ވިދާޅުވީ ރައީސް ޔާމީން ހުންނެވީ ގިނިކަންޏާ ކަމަށް
ކުރީގެ ރައީސް އަބްދުالله ޔާމީން އަބްދުލްްޤައްޔޫމް މިވަގުތު ހުންނެވީ ގިނިކަންޏާ ކަމަށް, އެމަނިކުފާނުގެ ލޯޔަރު ޑރ. މުޙައްމަދު މަޖީލު އަޙްމަދު ވިދާޅުވެއްޖެއެވެ. ޑރ. ޖަމީލް މިިހެން ވިދާޅުވެފައިވަނީ ޕީޕީއެމް ދުރަށް ޖެހި ވަޑައިގެން ރައީސް ޔާމީން އައު ސިޔާސީ ޕާޓީއެއް އުފައްދަވަން މަސައްކަތް ކުރައްވަމުން ގެންދަވާ ދަނޑިވަޅެއްގައެވެ. ޗެނަލް13އަށް ދެއްވި އިންޓަރުވިއުއެއްގައި ޑރ. ޖަމީލް ވިދާޅުވީ, ރައީސް ޔާމީން ބޭނުންފުޅު ވަނީ ސިޔާސީ މަސައްކަތް ކުރައްވަން ކަމަށާއި ނަމަވެސް އެކަމުގެ މަގު މިއަދު ބަންދުވެފައިވާ ކަމަށެވެ. "ކޮން ޕާޓީއެއްތޯ އޮތީ ރައީސް ޔާމީނާއެކުގައި, ޕީޕީއެމްގެ ލީޑަރޝިޕެއް ރައީސް ޔާމީނާ ބައްދަލު ކުރައްވާކަށް, ރައީސް ޔާމީނާ ބައްދަލު ކުރައްވާކަށް ބޭނުމެއް ނުވޭ. އަބްދުއްރަޙީމް ނޫނީ އެހެން ބޭފުޅަކު ވަޑައިގަތްތޯ, ނުގަނޭ. ސެނެޓެއް ބައްދަލު ކުރާކަށް ބޭނުމެއް ނުވޭ" ޑރ. ޖަމީލު ގިސްލަމުން ވިދާޅުވިއެވެ.
އެމަނިކުފާނު މިއަދު ގިނިކަޏާ އެހުންނެވީ
ޑރ. ޖަމީލު އިތުރަށް ވިދާޅުވީ, ސިޔާސީ މަސައްކަތުގައި އެމަނިކުފާނު އެކަހެރިކޮށްލިޔަސް, ރައީސް ޔާމީންގެ ލޯބިވާ ބަޔަކު އެބަތިބި ކަމަށާއި ރައީސް ޔާމީންގެ ސިޔާސީ މަސައްކަތް އެ ފަރާތްތަކާއެކު ކުރިޔަށް ގެންދާނެ ކަމަށެވެ. އަދި އައު ސިޔާސީ ޕާޓީ އުފެއްދެވީ އެސަބަބާ ހުރެ ކަމަށް ވިދާޅުވިއެވެ. "الله އިރާދަފުޅާއެކު ރައީސް ޔާމީނަށް ކާމިޔާބު ވާނެ" ޖަމީލު ވިދާޅުވިއެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.