ހައިކޯޓު ރިސެސްއަށް!
ހައިކޯޓުން މަޢުލޫމާތު ދީފައިވާގޮތުގައި އެ ކޯޓު ގޮސްފައި ވަނީ ޑިސެންބަރު 1 ވަނަ ދުވަހުން ފެށިގެން ޑިސެންބަރު 31 ވަނަ ދުވަހުގެ ނިޔަލަށެވެ.
ރިސެސްގައިވާ މުއްދަތުގައި ޤާނޫނުގައި ވަކި މުއްދަތެއްގެ ތެރޭގައި ނިންމުމަށް ކަނޑައެޅިފައިވާ ބާވަތުގެ މައްސަލަތަަކާއި ޙުކުމްކުރުމަށް ބާއްވާ ޝަރީޢަތުގެ މަޖިލިސްތަކާއި އަދި އަވަސް ޠަބީޢަތުގެ މައްސަލަތަކުގެ އިތުރުން އަވަސްކޮށް ހިންގަންޖެހޭ މައްސަލަ ބަލާ ފަނޑިޔާރުންގެ ބެންޗުގަށް އެއްބަސްވެވޭ މައްސަލަތައް ކުރިއަށް ގެންދިޔުމަށް ހައިކޯޓުގެ ފަނޑިޔާރުންގެ އާންމު މަޖިލީހުން ނިންމާފައިވާކަމަށް އެ ކޯޓުން ބުނެފައިވެއެވެ.
ކޯޓުތަކުގެ ގާނޫނުގައިވާ ގޮތުން, ކޯޓުތައް ރިސެސްއަށް ދިޔަ ނަމަވަވެސް އިދާރީ މަސައްކަތްތަކާއި މައްސަލަ ބަލައި ގަތުން މެދުކެނޑުމެއްނެތި ކުރިއަށްގެންދާނެއެވެ. އަދި އެ މުއްދަތުގައި އަޑު އެހުންތައް ނުބޭއްވި ނަމަވެސް ކޮންމެހެން ބާއްވަން ޖެހޭ އަޑުއެހުންތައް ބާއްވާނެއެވެ.
