ވަޒީރުންނަށް ރުހުން ދިނުމުގެ މައްސަލަ ތާވަލު ކުރި ކޮމިޓީ ކެންސަލް ކޮށްފި

ވަޒީރުންނަށް ރުހުން ދިނުމުގެ މައްސަލައާ ގުޅޭގޮތުން މިއަދު ބާއްވަން ތާވަލު ކުރި ސަރުކާރުގެ މައްސޫލިއްޔަތު އަދާ ކުރާ ކޮމިޓީގެ ބައްދަލުވުން ކޯރަމް ހަމަނުވެގެން ކެންސަލް ކޮށްފި އެވެ.
މި ބައްދަލުވުން ބާއްވަން ތާވަލްކޮށްފައި ވަނީ މިއަދު 09:00 ގައެވެ.
ނަމަވެސް، އެ ބައްދަލުވުން ކެންސަލް ވެފައިވާކަން، މަޖިލީހުގެ އިދާރާއިން މީޑިއާތަކަށް މިހާރު ވަނީ އަންގާފައެވެ.
މި ބައްދަލުވުން ކެންސަލްކޮށްފައި ވަނީ ކޯރަމް ހަމަ ނުވެގެންނެވެ. އެ ބައްދަލުވުމަށް ހާޒިރުވެފައި ވަނީ އެންމެ ތިން މެމްބަރުންނެވެ.
ސަރުކާރުގެ މައްސޫލިއްޔަތު އަދާ ކުރާ ކޮމެޓީގެ ބައްދަލުވުން ފެށުމަށް ހަތަރު މެމްބަރުން ތިއްބަވަން ޖެހޭއިރު ކޮމެޓީން ވޯޓެއް ނެގުމަށް ހަ މެމްބަރުންގެ ކޯރަމްއެއް ބޭނުންވެއެވެ.







ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.