Sunday, 15 November 2026
Advertisement
STO — McCoy (leaderboard)
ޚަބަރު

ރައީސްގެ މާލޭގެ ސިޔާސަތުތައް ތަންފީޒް ކުރަން ސަރުކާރުގެ ކެނޑިޑޭޓެއް މޭޔަރަކަށް ހުރުން މުހިންމު: އަބްދުއްރަހީމް

ރައީސްގެ މާލޭގެ ސިޔާސަތުތައް ތަންފީޒް ކުރަން ސަރުކާރުގެ ކެނޑިޑޭޓެއް މޭޔަރަކަށް ހުރުން މުހިންމު: އަބްދުއްރަހީމް

ރައީސުލްޖުމްހޫރިއްޔާ ޑރ. މުހައްމަދު މުޢިއްޒު މާލެ ސަރަހައްދަށް ގެންގުޅުއްވާ ވަރަށް ބައިވަރު ތަސައްވުރުތަކަކާއި ސިޔާސަތުތަކެއް އެބަހުރި ކަމަށާއި އެކަންކަން އެންމެ ފުރިހަމަ ވާނީ ސަރުކާރުގެ ކެނޑިޑޭޓަކު މާލޭ ސިޓީ ކައުންސިލްގެ މޭޔަރު ކަމުގައި ހުރެގެން ކަމަށް, ރައީސްގެ ސްޕެޝަލް އެޑްވައިޒަރ އަދި ޕީއެންސީގެ ޗެއާޕާސަން ޢަބްދުއްރަޙީމް ޢަބްދުﷲ (އަދުރޭ) ވިދާޅުވެއްޖެއެވެ.

މާލޭގެ މޭޔަރުގެ އިންތިޚާބުގެ ވޯޓްލުން އަންނަ ހޮނިހިރު ދުވަހު އޮންނާނެއެވެ. މި އިންތިޚާބުގައި ސަރުކާރުގެ ކެނޑިޑޭޓެއްގެ ގޮތުގައި ކޮންގްރެސް ޕާޓީން ވާދަކުރައްވަނީ އައިޝަތު އާޒިމާ ޝަކޫރެވެ.

އާޒިމާގެ ކެންޕެއިން ހަރަކާތްތަކުގެ ތެރެއިން މިއަދު ހަވީރު މާލޭގައި ވަނީ ސައިކަލު ބުރެއް ބާއްވާފައެވެ. ސައިކަލު ބުރު ނިންމާލުމަށް ބައިވެރިންނާ ދެއްކެވި ވާހަކަފުޅުގައި އަބްދުއްރަހީމް ވިދާޅުވީ, ސަރުކާރުގެ ކަންކަން ކުރަން ފަސޭހަވާނީ ސަރުކާރުގެ މޭޔަރެއް ހުރެގެން ކަމަށެވެ.

Advertisement
Ooredoo — Square (box)

"ރައީސް ޑރ. މުޢިއްޒުގެ މަސައްކަތުގައި މާލެއަށް ކަނޑައެޅިފައިވާ ބައި ފުރިހަމަ ކުރުމުގައި އެންމެ މުހިންމު ދައުރެއް އަދާ ކުރެވޭނީ މާލޭ ސިޓީ ކައުންސިލަށް. މާލޭގެ ސިޓީ ކައުންސިލާ އެކަން ހަވާލުވެފައި އޮތްއިރު, އެތަނުގެ މޭޔަރަކަށް ހުންނަވަން އެންމެ އެކަށީގެންވަނީ ވެރިކަން ހިންގާ ޕާޓީއަށް ނިސްބަތްވެ ވަޑައިގަންނަވާ ބޭފުޅެއް." އަބްދުއްރަހީމް ވިދާޅުވީ, ސަރުކާރުގެ ކެނޑިޑޭޓަކީ އާޒިމާ ކަމަށާއި އޭނާއަކީ ކަން ކުރާނެ ކަން ވާނެ ކެނޑިޑޭޓެއް ކަމަށެވެ.

"އާޒިމާ ޝަކޫރަކީ ޕީއެންސީގެ ބޭފުޅެއް. ރައީސް މުޢިއްޒުގެ ސިިޔާސަތަށް ތާއީދު ކުރައްވާ ބޭފުޅެއް. ރައީސް މުއިއްޒުގެ ސިޔާސަތު ތަންފީޒް ކުރަން ބޭނުންފުޅުވާ ބޭފުޅެއް. އެކަމުގެ ހަކަތަ ހުރި ބޭފުޅެއް. އިލްމާއި ހުނަރު ހުރި ބޭފުޅެއް. ޤާބިލްކަން ހުރި ބޭފުޅެއް."

އަބްދުއްރަހީމްގެ ވާހަކަފުޅުގައި އިތުރަށް ވިދާޅުވީ, އާޒިމާއަކީ މާޒީގައި ވެސް އޭނާގެ ޤާބިލުކަން ދައްކައިދީފައިވާ  މީހެއް ކަމަށާއި ރައްޔިތުން ނިކުމެ ކޮންގްރެސް ޕާޓީގެ ކެނޑިޑޭޓް ހޮވަން މުހިންމު ކަމަށެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.