ސަސްޕެންޝަންގައި ހުންނެވި އެޑިއުކޭޝަން މިނިސްޓްރީގެ ޕީއެސް އިސްތިއުފާ ދެއްވައިފި

އެޑިއުކޭޝަން މިނިސްޓްރީގެ ޕާމަނަންޓް ސެކްރެޓަރީ އަޙްމަދު އަލީ މަގާމުން އިސްތިއުފާ ދެއްވައިފިއެވެ.

Ads by MWSC

އަހްމަދު ވިދާޅުވީ އެއީ އަމިއްލަ ސަބަބުތަކެއް ހުރުމުގެ ސަބަބުން ނިންމި ނިންމުމެއް ކަމަށެވެ.އޭނާ އެ މަގާމުން އިސްތިއުފާދެއްވީ މިދިޔަ ހަފްތާގެ ބުރާސްފަތި ދުވަހުއެވެ.

އަހްމަދު މަގާމުން އިސްތިއުފާ ދެއްވުމަށް ފޮނުވި ސިޓީގައި ވިދާޅުވެފައިވަނީ ގާނޫނާއި ގަވާއިދުގެ ބޭރުން އެއްވެސް މީހަކަށް އެއްވެސް ފިޔަވަޅެއް އަޅުއްވާފައި ނުވާނެ ކަމަށެވެ. އެހެންނަމަވެސް، މި ވަގުތު އެންމެ މަސްލަހަތު ހުރި ގޮތަކީ ޕީއެސްގެ މަގާމުން އިސްތިއުފާ ދެއްވުން ކަމަށް ވާތީ އެ ނިންމުން ނިންމެވީ ކަމަށެވެ.

އޭނާ މަގާމުން ސަސްޕެންޑް ކުރީ އަމިއްލަ ފަރާތަކުން ހުށަހެޅި މައްސަލަތަކަކާއި ގުޅިގެން މިދިޔަ މަހުގެ ތިން ވަނަ ދުވަހުއެވެ.