ދިވެހި ދައުލަތަށް ހިދުމަތް ކުރުމުގެ އިނާމަށް ނަން ހުށަހެޅުމުގެ ފުރުސަތު ހުޅުވާލައިފި
ދިވެހި ދައުލަތަށް ހިދުމަތް ކުރުމުގެ އިނާމަށްނަން ހުށަހެޅުމުގެ ފުރުސަތު ރައީސް އޮފީހުން ހުޅުވާލައިފިއެވެ.
މި އިނާމަށް ހުށަހެޅުމުގެ ފުރުސަތު ގައުމީ އިނާމާއި ބެހޭ ކޮމިޓީއިން ހުޅުވާލާފައިވަނީ މިއަދުއެވެ.
ރައީސުލްޖުމްހޫރިއްޔާ ދެއްވާ މި އިނާމަކީ 35 އަހަރު ދުވަހަށް ވުރެ ދިގު މުއްދަތަކަށް ދިވެހި ދައުލަތަށް ޚިދުމަތް ކޮށްފައިވާ މުވައްޒަފުންގެ ތެރެއިން އެމީހެއްގެ މަގާމުގެ މަސްއޫލިއްޔަތު އިހުލާސްތެރިކަމާއި ގާބިލުކަމާއި އެކު އަދާކޮށްފައިވާ މުވައްޒަފުންގެ އަގު ވަޒަންކުރުމަށް ދެވޭ އެންމެ ޝަރަފްވެރި އިނާމެވެ.
މި އިނާމުގެ ގޮތުގައި ދެވިގެން ދާނީ ރައީސުލްޖުމްހޫރިއްޔާ ދެއްވާނީ ޝަރަފުގެ ބެޖަކާއި، ޝަރަފުގެ އައްޑަނައަކާއި، ހަނދާނީ ލިޔުމެކެވެ.
ދިވެހި ދައުލަތަށް ޚިދުމަތް ކުރުމުގެ އިނާމު ދެއްވާނީ ސަރުކާރުގެ މެޖޯރިޓީ ހިއްސާ އޮތް ކުންފުންޏެއްގައި ޚިދުމަތްކުރި ނުވަތަ ދައުލަތުގެ މުއައްސަސާއެއްގައި ނުވަތަ ސަރުކާރުގެ ކުންފުންޏެއްގައި ނުވަތަ ޚިދުމަތްކުރާ މުވައްޒަފެއްގެ ނަން، އެ މުވައްޒަަފަކު މަސައްކަތް ކުރާ ނުވަތަ ކޮށްފައިވާ މުއައްސަސާއަކުން ނުވަތަ އެ ކުންފުންޏަކުން ނުވަތަ އެހެން ފަރާތަކުން ނުވަތަ އެމީހަކު އަމިއްލައަށް އިނާމަށް ނަން ހުށަހެޅުމުންނެވެ.
އަދި ކުންފުންޏެއއް ނުވަތަ މުވައްސަސާއަކުން، މި އިނާމަށް މީހެއްގެ ނަން ހުށަހަޅާނަމަ އެ މީހަކީ އެ މުއައްސަސާއެއްގައި ނުވަތަ އެ ކުންފުންޏެއްގައި ޚިދުމަތްކޮށްފައިވާ، ނުވަތަ ޚިދުމަތްކުރަމުންގެންދާ މީހަކަށް ވާންވާނެކަމަށް ގައުމީ އިނާމާއި ބެހޭ ކޮމިޓީއިން ވަނީ ބުނެފައިއެވެ.
Ads by STO
